Foto: QR Prezidenti janyndaǵy Ortalyq kommýnikatsiialar qyzmeti
Álemge áigili búrkitshi, otandasymyz Aisholpannyń otbasy elge kóship keldi, - dep habarlaidy Kazinform agenttigi.
«Men Qazaqstandamyn, bir aptadai buryn ata-anam men baýyrlarym kóship keldi. Ózim Almatydaǵy Sýleiman Demirel atyndaǵy ýniversitette qazaq tili men ádebieti mamandyǵy boiynsha 4 kýrsta oqyp jatyrmyn. Qazir mamandyǵym boiynsha jumys qarastyryp jatyrmyn», - dedi Aisholpan Kazinform tilshisine uialy telefon arqyly bergen suhbatynda.
Sondai-aq, otandasymyz búrkit ónerin tastamaǵanyn aitty.
«Oqý men búrkitpen ainalysýdy qatar alyp júrmin. Aptasyna bir ret ainalysamyn. Jarystarǵa qatysyp júrgen joqpyn, tek qonaq retinde baramyn. Sebebi oqýdan qol timeidi», - deidi búrkitshi qyz.
Eske sala ketsek, 2018 jyly qarashada búrkitshi Aisholpan týraly film shyqty.
2019 jyly Mońǵoliia kompozitory jerlesimizdiń qurmetine óz týyndysyn arnaǵan edi.
