Sýret ashyq derekkózden alyndy
Politsiia Aqmola oblysynyń Býrabai aýdanyndaǵy oqý-saýyqtyrý ortalyǵynda jasóspirimniń ólimin tergep jatyr. Qolda bar aqparatqa sáikes, balanyń onkologiialyq aýrýy bolǵan, dep habarlaidy Sputnik Qazaqstan.
11 qańtarda tańǵy saǵat 7 shamasynda Býrabai aýdanynyń politsiia bólimine jedel járdem stantsiiasynyń feldsherinen 2008 jyly týǵan kámeletke tolmaǵan balanyń balalar oqý - saýyqtyrý ortalyqtarynyń birinde qaitys bolǵany týraly habarlama kelip tústi.
14 jasar bala Aqtóbe oblysynan Býrabai lagerine 9 qańtarda kelgen.
"11 qańtarǵa qaraǵan túni jasóspirim ishi aýyratynyn aityp shaǵymdanǵan. Syrqaty kúsheiip, tańǵy saǵat 05.00 shamasynda lagerdiń meditsinalyq bólimine júgingen. Jedel járdem shaqyrylǵan, alaida bala feldsherler kelgenge deiin qaitys boldy", - dep habarlady Aqmola oblysy politsiia departamentiniń baspasóz qyzmeti.
Balany tekserý kezinde zorlyq-zombylyq belgileri tabylǵan joq.
Jasóspirimniń qaitys bolý faktisi sotqa deiingi tergeýdiń biryńǵai tizimine tirkeldi, tiisti saraptamalar taǵaiyndaldy.
"11 qańtarda qaitys bolǵan jasóspirimniń ólimine anemiia sebep bolǵany anyqtaldy. Negizi bala kishi jambastyń qaterli isigine shaldyqqan. Metastaza denege tarap ketken", - dep tolyqtyrdy vedomstvo.
Esterińizge sala keteiik, birneshe kún buryn Zerendidegi taý-shańǵy bazasynda 16 jastaǵy bozbala kóz jumdy. Astanadan ata-anasymen demalýǵa kelgen bala shańǵy teýip júrip, aǵashqa soǵylǵan.
