Aqmola oblysynyń Býrabai kýrortynda Jekebatyr taýynyń tóbesindegi ormandy alqap órtendi, dep habarlaidy QazAqparat óńirlik TJD-ǵa silteme jasap.
Vedomstvonyń málimetinshe, búgin saǵat 13.00-de Býrabai aýdanyndaǵy Jekebatyr taýynyń ústindegi ormandy alqap (Býrabai memlekettik ulttyq tabiǵi saiabaǵynyń aýmaǵy) órtengendigi týraly aqparat túsken.
«Órtti sóndirýge Aqmola oblystyq TJD-nyń jeke quramynan 60 adam men 5 arnaiy órt sóndirý tehnikasy, Býrabai memlekettik ulttyq tabiǵi saiabaǵynyń 40 qyzmetkeri men 2 tehnikasy, «Qazaviaqutqarý» MI- 26 tikushaǵy jumyldyryldy», - dedi vedomstvodaǵylar.
Saǵat 16:10-da órt aýyzdyqtaldy.
Bastapqy málimet boiynsha, órt qýraǵan shópten shyqqan. Zardap shekkender joq. Ázirge órttiń naqty shyǵý sebebi anyqtalyp jatyr.
