Foto: Drive.ru
Aqmola oblysynda kvadrotsikl jol apatyna ushyrap, boijetken kóz jumdy, dep habarlaidy "Ult aqparat".
Aqmola oblysy PD baspasóz qyzmetiniń málimetinshe, jol-kólik oqiǵasy 27 shildede Býrabai kýrortynda bolǵan.
Anyqtalǵandai, Astanadan Býrabaiǵa demalýǵa kelgen eki qyz jergilikti jalǵa berý pýnktteriniń birinde «X5 Classic» markaly kvadrotsiklin jalǵa alǵan.
Kýrort aýmaǵyndaǵy joldyń burylysynda kvadrotsikldi basqarǵan 19 jastaǵy júrgizýshi rýlge ie bola almai, kólik aýdarylǵan.
Saldarynan artqy jaqta otyrǵan jolaýshy qyz alǵan dene jaraqatynan aýrýhanada qaitys boldy.
"Jol-kólik oqiǵasy deregine bailanysty Qylmystyq kodekstiń 306-baby 3-bóligi boiynsha tergeý amaldary qolǵa alyndy", — dedi vedomstvodan.
