Býrabai kýrortynda demalýshylar úshin qyzmet kórsetetin jańa attraktsiondar parki ashylady, dep habarlaidy QazAqparat «Býrabai damý» JShS biryńǵai bailanys ortalyǵynyń basshysy Azamat Baimuqanovqa silteme jasap.
Onyń aitýynsha, Býrabaida biiktigi 42 metrlik sholý sheńberi salynyp jatyr. Sonymen birge otbasylyq, balalar jáne ekstremaldy baǵyttaǵy attraktsiondar ashý da qarastyrylǵan. Nysan qurylysy «Shýche-Býrabai kýrorty aimaǵyn damytý» memlekettik baǵdarlamasy sheńberinde jeke investorlardy tartý arqyly júzege asyrylýda. Sholý sheńberi men túrli qyzyqty attraktsiondar Býrabai kýrortyna demalýǵa keletin týristerdiń kóńil kóterip, demalatyn súiikti ornyna ainalmaqshy.
«Bul - jalpy quny 347 million teńgeni quraityn investitsiialyq joba. Ony investor «Koleso ýdachi» JShS júzege asyrýda. Nysan Býrabai kentindegi «Býrabai damý» JShS vizit ortalyǵynyń aýmaǵynda ornalasady. Ony ústimizdegi jyldyń úshinshi toqsanynda paidalanýǵa berý josparlanǵan», - deidi Azamat Baimuqanov.
Bul Býrabai turǵyndary men qonaqtaryna kýrorty aimaqtyń kórkin jyl boiy tamashalaýǵa múmkindik beredi. Attraktsion táýlik boiy qyzmet kórsetip, onda 15 adam jumys isteitin bolady.
«Kompaniia otbasylyq, balalar jáne ekstremaldy baǵyttaǵy attraktsiondar ashýdy qarastyryp otyr. Býrabaiǵa kelýshiler ýaqyttaryn qyzyqty ótkizedi dep úmittenemiz. Biz qazir, syrǵanaq, avtodrom, «shynjyr karýsel», kishkentai balalar úshin shaǵyn attraktsion, sondai-aq, «Býmerang» jáne «NLO» ornattyq»,- deidi «Koleso ýdachi» JShS basshysy Aleksei Kodochigov.
Aita keteiik, «Shýche-Býrabai kýrorty aimaǵyn damytý» memlekettik baǵdarlamasy sheńberinde 2025 jyldary óńirge keletin týrister sanyn 1,6 millionǵa jetkizý josparlanyp otyr.
