بۋراباي كۋرورتىندا دەمالۋشىلار ٷشٸن قىزمەت كٶرسەتەتٸن جاڭا اتتراكتسيوندار پاركٸ اشىلادى, دەپ حابارلايدى قازاقپارات «بۋراباي دامۋ» جشس بٸرىڭعاي بايلانىس ورتالىعىنىڭ باسشىسى ازامات بايمۇقانوۆقا سٸلتەمە جاساپ.
ونىڭ ايتۋىنشا, بۋرابايدا بيٸكتٸگٸ 42 مەترلٸك شولۋ شەڭبەرٸ سالىنىپ جاتىر. سونىمەن بٸرگە وتباسىلىق, بالالار جەنە ەكسترەمالدى باعىتتاعى اتتراكتسيوندار اشۋ دا قاراستىرىلعان. نىسان قۇرىلىسى «ششۋچە-بۋراباي كۋرورتى ايماعىن دامىتۋ» مەملەكەتتٸك باعدارلاماسى شەڭبەرٸندە جەكە ينۆەستورلاردى تارتۋ ارقىلى جٷزەگە اسىرىلۋدا. شولۋ شەڭبەرٸ مەن تٷرلٸ قىزىقتى اتتراكتسيوندار بۋراباي كۋرورتىنا دەمالۋعا كەلەتٸن تۋريستەردٸڭ كٶڭٸل كٶتەرٸپ, دەمالاتىن سٷيٸكتٸ ورنىنا اينالماقشى.
«بۇل - جالپى قۇنى 347 ميلليون تەڭگەنٸ قۇرايتىن ينۆەستيتسييالىق جوبا. ونى ينۆەستور «كولەسو ۋداچي» جشس جٷزەگە اسىرۋدا. نىسان بۋراباي كەنتٸندەگٸ «بۋراباي دامۋ» جشس ۆيزيت ورتالىعىنىڭ اۋماعىندا ورنالاسادى. ونى ٷستٸمٸزدەگٸ جىلدىڭ ٷشٸنشٸ توقسانىندا پايدالانۋعا بەرۋ جوسپارلانعان», - دەيدٸ ازامات بايمۇقانوۆ.
بۇل بۋراباي تۇرعىندارى مەن قوناقتارىنا كۋرورتى ايماقتىڭ كٶركٸن جىل بويى تاماشالاۋعا مٷمكٸندٸك بەرەدٸ. اتتراكتسيون تەۋلٸك بويى قىزمەت كٶرسەتٸپ, وندا 15 ادام جۇمىس ٸستەيتٸن بولادى.
«كومپانييا وتباسىلىق, بالالار جەنە ەكسترەمالدى باعىتتاعى اتتراكتسيوندار اشۋدى قاراستىرىپ وتىر. بۋرابايعا كەلۋشٸلەر ۋاقىتتارىن قىزىقتى ٶتكٸزەدٸ دەپ ٷمٸتتەنەمٸز. بٸز قازٸر, سىرعاناق, اۆتودروم, «شىنجىر كارۋسەل», كٸشكەنتاي بالالار ٷشٸن شاعىن اتتراكتسيون, سونداي-اق, «بۋمەرانگ» جەنە «نلو» ورناتتىق»,- دەيدٸ «كولەسو ۋداچي» جشس باسشىسى الەكسەي كودوچيگوۆ.
ايتا كەتەيٸك, «ششۋچە-بۋراباي كۋرورتى ايماعىن دامىتۋ» مەملەكەتتٸك باعدارلاماسى شەڭبەرٸندە 2025 جىلدارى ٶڭٸرگە كەلەتٸن تۋريستەر سانىن 1,6 ميلليونعا جەتكٸزۋ جوسپارلانىپ وتىر.
