Men túsinbeitin bir áńgime bar...
Ras, Qazaqstandaǵydai ashtyq basqa túrki respýblikalarynda bolǵan joq. Adam shyǵyny jóninen bizderge eń aýyr tigeni de ras. Meniń aitpaǵym repressiialar týraly.
Kóp taralǵan áńgime: qazaqtar bir-birin kóre almaidy, bir-birine jaýyz bolǵan, bir-birine basqalarmen salystyrǵanda kóbirek "donos" jazǵan deidi. Bularǵa salsaq, qazaqtan ótken sorly, beishara álemde joq eken. Osy qaidan shyqqan? Ony kim aitty?
Men ádeiilep Ózbekstan, Ázirbaijan, Tájikstan derekterin kórip shyqtym. Olardaǵy jaǵdai da shamamen bizdikindei. Zary da bizderge keledi. Respýblikalardaǵy adam sanyna shaqsaq, bizderde olardan kóp adam atylmaǵan, shamasy bizdikindei.
Sonda biz nege ózimizdi ózimiz qorlaimyz kep? Ózimizdi-ózimiz nege jiirkenishti etip kórsetemiz?Stalindik túrme túgili, búgingi túrmege tússeń, úsh kún tepkiden keiin týǵan ákeńdi jaý, týǵan shesheńdi tyńshy dep óziń ustap beresiń.
Baiqaǵanym, stalindik repressiianyń qazaqy úlgisi ne varianty bolmaǵan. Basqasha deseńizder, maǵan sanmen, derekpen dáleldep berińizdershi!
Aidos Sarymnyń feisbýktaǵy jazbasynan
