Azamattardy sheshim qabyldaýdyń barlyq deńgeiine aralastyrý, Májilistiń ókiletin ortalyqsyzdandyrý. Germaniianyń Qazaqstandaǵy Tótenshe jáne Ókiletti Elshisi Monika Iversen QR Prezidentiniń halyqqa Joldaýynda osy máselelerdiń aitylýy unaǵanyn aitady, dep habarlaidy QazAqparat tilshisi.
«Búgin biz reformalar týraly mańyzdy usynystardy estidik. Bul biz Qazaqstanda iske asqanyn kórgimiz keletin reformalar dep aitýǵa bolady. Men úshin azamattardy sheshim qabyldaýdyń barlyq deńgeiine aralastyrý, Májilistiń ókiletin ortalyqsyzdandyrý siiaqty bastamalar eń qyzyqty tusy bolǵan siiaqty. Meniń oiymsha, bul usynystar eldiń ári qaraiǵy ekonomikalyq jáne saiasi turǵyda damýynda mańyzdy ról atqarady», - dedi Monika Iversen.
Sondai-aq, Elshi Joldaýda aitylǵan keibir máselelerdi sheshýdegi Germaniianyń tájiribesine toqtaldy.
«Konstitýtsiialyq sot qurýda Germaniianyń tájiribesi jaqsy tanys. Mundai júiede adamdar eń joǵary deńgeide júgine alady. Sondai-aq, Úkimetti ortalyqsyzdandyrý jáne óńirlik ortalyqtarǵa, ózin-ózi basqarý institýttaryna kóbirek ókilet berý týraly aityldy. Jergilikti ákimdikterdiń resmi ókilderi halyqqa jaqynyraq bolyp, olardyń muqtajdyqtaryna burynǵydan jaqsyraq ún qatatyn bolady. Bul búkil óńirlerdi qarjylandyrý júiesin jetildiredi. Maǵan BAQ-taǵy sóz erkkindigi men saiasi protsesterge azamattyq qoǵamnyń atsalysýy týraly aitylǵany qatty unady. Germaniiada osyndai tájiribe bar. BAQ óte ózekti suraqtar qoia alady. organdardy jaýapkershilikkke tarta alady. Muny atalǵan organdardy jaýapkershilikke tartýdyń jaqsy tásili dep qaraýǵa bolady», - Monika Iversen.
