Konstitýtsiiaǵa túzetýler engizý jónindegi respýblikalyq referendým qoǵamdaǵy senimsizdikterdi eńserýge múmkindik beredi. QR Parlamenti Májilis depýtaty Aidos Sarym osyndai pikir aitty, dep habarlaidy QazAqparat.
«Jalpy referendým ótkizý mańyzdy qadam bolmaq. Sońǵy ret 1995 jyly referendým ótken edi. Sońǵy ári alǵashqy ret sol kezde ótipti. Qazir kóbimiz referendým degenniń ne ekenin umyta da bastadyq. Sondai-aq qoǵamdaǵy senimsizdik boiynsha da máseleler bar. Sondyqtan Konstitýtsiiaǵa túzetýler engizý men búkilhalyqtyq referendým ótkizý mańyzdy. Bul túzetýlerdi Parlament arqyly ótkizý ońai bolar edi. Bizde ondai protsedýra bar jáne qoldanylǵan. Biraq bul qolǵa alynǵan reformalarǵa jańa lep berý úshin, memleketti basqarý isine halyqty aralastyrý úshin, Ekinshi respýblikany iske qosý úshin qajet simvolikalyq qadam. Qazir qoldanyp júrgen Konstitýtsiia referendýmda qabyldanǵanyn bilemiz. Birinshi respýblikanyń negizin sol konstitýtsiia qalaǵan edi. Eger Ekinshi respýblikany qurý halyqtyń óz qalaýyn bildirýden bastalsa, qoǵamdy toptastyra alady dep olaimyn. Referendým qoǵamǵa da, bilikke jaǵymdy serpin beredi. Óitkeni úlken qundylyqtar tóńireginde, eldiń júiequraýshy qujatynyń ainalasyna toptasýǵa múmkindik týyndaidy», – dedi Aidos Sarym.
Májilis ókili Prezident Qasym-Jomart Toqaev bastamashy bolǵan konstitýtsiialyq túzetýlerdiń paketi memlekettik basqarý salasyn teńgerimge keltirýge baǵyttalǵan.
«Prezident ókiletiniń birqatar finýnktsiiasy Parlamentke beriledi. Azamattardyń quqyqtaryn qorǵaityn jańa organ – Konstitýtsiialyq sot qurylady. Ol organ sot júiesiniń eń joǵarǵy satysyna ainalady. Bul jerge azamattar zańǵa, omelekettik organdardyń normativtik sheshimderi boiynsha shaǵym túsire alady. Osylaisha Konstitýtsiia tikelei áreket zańyna ainalyp, azamattar konstitýtsiialyq quqyqtary shekteldi dep eseptese, Konstitýtsiialyq sotqa júgine alady. Joǵary aýditorlyq palata qurý da mańyzdy. Ol biýdjet qarjysynyń jumsalýy barlyq deńgeilerde qadaǵalaidy. Qazirgi tańda tipti Májilistiń ózinde óńirlerdegi biýjet qarajatynyń jumsalýy týraly aqparatty suratýǵa, memlekettik baǵdarlamalardy iske asyrýdyń tiimdiligin baqylaýǵa quqyǵy joq», - dedi depýtat.
