Foto: Aqorda
Aqordada Memleket basshysy Qasym-Jomart Toqaev Búkilálemdik taekvondo federatsiiasynyń (WT) prezidenti Chýngvon Choýdy qabyldady, dep habarlaidy Ult.kz.
Kezdesý barysynda Prezident Chýngvon Choýdyń sapary Qazaqstan sport qaýymdastyǵy úshin mańyzdy ekenin atap ótip, bul qadam federatsiianyń elimizde taekvondonyń damýyna jan-jaqty qoldaý kórsetýge daiyn ekenin kórsetti. Memleket basshysy taekvondonyń olimpiadalyq sport túri ǵana emes, úilesim, tártip jáne ózara qurmet qaǵidattaryna negizdelgen filosofiia ekenin atap ótti.
Elordada ótetin G1 sanatyndaǵy Kazakhstan Open 2025 halyqaralyq reiting týrniri otandyq sportshylardyń kásibi shyńdalýyna, tájiribe almasýyna jáne ulttyq federatsiianyń básekege qabilettiligin arttyrýǵa jol ashatyny aityldy.
Chýngvon Choý qazaqstandyq sportshylardyń jetistikterine joǵary baǵa berip, elimizdegi taekvondoǵa qyzyǵýshylyqtyń artýyn quptady. Áńgime sońynda Búkilálemdik taekvondo federatsiiasynyń prezidenti Memleket basshysyna erekshe qurmet retinde toǵyzynshy dan qara belbeýin tabystady.
Sonymen qatar Qasym-Jomart Toqaev álemde taekvondonyń damýyna qosqan úlesi úshin Chýngvon Choýdy II dárejeli «Dostyq» ordenimen marapattady. Kezdesý taekvondo dástúrine sai Prezidenttiń arnaiy taqtaidy syndyryp, qoltańba qaldyrýymen aiaqtaldy.
