9 tamyz – búkil álemdik kitapsúierler kúni ekeni belgili. Osy aitýly merekege orai, «Balalar ádebietin qoldaý jyly» qarsańynda Soltústik Qazaqstan oblysynda Súleimen Baiazitov atyndaǵy balalar oqý ortalyǵynda «Balalar qandai kitap oqidy?» atty arnaiy shara ótti, - dep habarlaidy «Ult aqparat».
Barshańyzǵa belgili, biyl 2021 jyl Mádeniet jáne sport ministrliginiń usynysymen «Balalar ádebietin qoldaý jyly» dep jariialanǵan bolatyn. Osy aitýly dataǵa orai, barlyq óńirlerde balalarǵa arnalǵan arnaiy jiyndar ótkizilýde. Sony biri – Súleimen Baiazitov atyndaǵy balalar oqý ortalyǵynda ótken shara. Atalǵan sharaǵa oqý ortalyqtyń qyzmetkerlerimen qatar, oqyrmandar, oqýshylar jáne jastar qatysty.
«Men endi kitaphanashy retinde balalardyń kitap oqýǵa degen qushtarlyǵynyń báseńdeý ekenin bilemin. Balalardy kinálaýǵa bolmaidy. Eresekter kinási bar. Balalarǵa arnalǵan ertegiler, áńgimeler jazylǵan joq. Jazylsa da óte sirek. Qansha tyrysqanymyzben, balalardyń suranysyn bere almai otyrǵanymyz ras. Máselen, qazir balalar qazaq ádebietin ǵana emes, orys ádebietin, túrik ádebietin, shyǵys ádebietin, álem ádebietin oqyǵysy keledi. Al bizde álemdik kitaptardy, onyń ishinde balalarǵa arnalǵan álemdik kitaptardy qazaq tiline aýdarý máselesi eń ózekti másele kúiinde qalyp otyr. Máselen, Almaty qalasynda qanshama ýaqyt Ulttyq aýdarma biýrosy jumys istedi. Olar birtalai ister atqardy. Máselen, Hárri Potterdiń aýdarmasynyń ózi nege turady deseńizshi. Osyndai kitaptardyń kóptep aýdarylýyn qolǵa alý kerek negizi. Biz balalar kitap oqymaidy dep kinálaǵanymyzben, onyń sebep-saldaryna eshqaisymyz úńilip jatqan joqpyz», - deidi Ekibastuz ortalyq kitaphanasynyń kitaphanashysy Ardaq Jumaǵalieva.
Atalǵan sharada balalarǵa arnalǵan qazaq tilindegi kitaptardy aýdiokitap retinde shyǵarý usynyldy. Odan bólek, biyl Súleimen Baiazitovqa arnalǵan veb-resýrs jasalynyp, «Balaǵa kitap syila» atty aktsiiasyn ótkizý josparlandy. Oblystyq kitaphananyń basshysy Sholpan Shahmetovanyń aitýynsha, qalanyń árbir azamaty kitaphanaǵa kitap tapsyryp, atalǵan sharalarǵa úles qosa alady eken.
«Iá, biyl «Balalar ádebietin qoldaý jyly» ekeni barshańyzǵa belgili. Biz osy oraida igi isterdi júzege asyrýǵa bel bailadyq. Bizdiń sharalarymyzǵa qalamyzdaǵy, oblysymyzdaǵy kez kelgen azamat úles qosa alady. Atap aitqanda, ózimizdiń oqyrmandarymyz men qala turǵyndary balalarǵa arnalǵan kitaptardy osy jerge ákelip tapsyra alady. «Tárbie tal besikten» demekshi, kitap oqý mádenietin úide qalyptastyrý mańyzdy. Úide ata ájesiniń, ata anasynyń kitap betin ashqanyn kórgen bala soǵan áýestenedi», dedi oblystyq kitaphananyń basshysy Sholpan Shahmetova.
Atalǵan jiynǵa arnaiy qatysqan professor Baqytgúl Qapasova balalardyń kátap oqymaýyna adami faktor emes, jańa tehnologiianyń áseri mol dep esepteidi. Onyń aitýynsha, qazirgi tańda ekiniń biriniń qolynda júretin smartfondar, planshet, noýtbýktar, internet barlyǵy da balanyń tabiǵi qyzyǵýshylyǵyn joiyp bara jatqan kórinedi.
«Tehnologiia qansha órkendep ketse de kitaptyń beretin eshkim bere almaidy. Kitaptan oqý múldem basqa. Sezimge berilý. Kitaptyń beretini úlken. Bul kitaptyń suranysta bar ekendigi. Biylǵy jyldyń Qazaqstandaǵy balalar men jasóspirimderdiń kitap oqýyn qoldaý jyly dep bekitilýi de sondyqtan. Kitap oqýǵa degen qyzyǵýshylyqty oiatý arqyly mádenietti arttyrý kerek», dedi professor.
Esterińizge sala keteiik, 9 tamyz – búkil álemdik kitapsúireler kúni ekeni belgili. Osy aitýly merekege orai, «Balalar ádebietin qoldaý jyly» qarsańynda Soltústik Qazaqstan oblysynda Súleimen Baiazitov atyndaǵy balalar oqý ortalyǵynda «Balalar qandai kitap oqidy?» atty arnaiy shara ótti. Barshańyzǵa belgili, biyl 2021 jyl Mádeniet jáne sport ministrliginiń usynysymen «Balalar ádebietin qoldaý jyly» dep jariialanǵan bolatyn. Osy aitýly ýaqytqa orai, barlyń óńirlerde balalarǵa arnalǵan arnaiy jiyndar ótkizýde. Sony biri – Súleimen Baiazitov atyndaǵy balalar oqý ortalyǵynda ótken shara. Atalǵan sharaǵa oqý ortalyqtyń qyzmetkerleri men qatar, oqyrmandar, oqýshylar jáne jastar qatysty.
