Vengriia astanasy Býharestte Qazaqstan táýelsizdiginiń 30 jyldyǵyn merekeleýge arnalǵan birqatar is-shara ótti, dep habarlaidy "Ult aqparat" QR Syrtqy ister ministrliginiń baspasóz qyzmetine silteme jasap.
Biyl Qazaqstan táýelsizdiginiń 30 jyldyǵyna orai Qazaqstan Elshiligi Rýmyniia Parlamenti depýtattary men Syrtqy ister ministrligi basshylyǵynyń, sondai-aq eliniń ǵylymi jáne sarapshylyq ortalary, biznes-qoǵamdastyqtary men BAQ ókilderiniń qatysýymen onlain formatta dóńgelek ústel uiymdastyrdy.
Óz sózinde Elshi Nurbah Rústemov bul mereitoi barsha Qazaqstan halqy úshin mańyzdy ekenin aityp, Elbasy Nursultan Nazarbaevtyń zamanaýi memleket qurýdaǵy basty rólin atap ótti.
Sonymen birge, ol Prezident Qasym-Jomart Toqaevtyń Qazaqstandaǵy jan-jaqty saiasi reformalardy júzege asyrý jónindegi bastamasynyń negizgi rólin atap ótti. Atap aitqanda, saiasi partiialar qurý úshin tirkeý kedergisin tómendetý, partiialyq tizimderge áielder men jastar úshin 30 paiyzdyq kvota engizý, Parlament Májilisinde oryn alý shegin 7%-dan 5% - ǵa deiin tómendetý, jala jabýdy dekriminalizatsiialaý jáne taǵy basqalary.
Óz kezeginde, dóńgelek ústelge qatysýshylar Qazaqstandy aitýly mereitoimen quttyqtap, halqymyzǵa tabys pen baq-bereke tiledi.
Rýmyniianyń burynǵy Prezidenti Emil Konstantineský Qazaqstanǵa alǵashqy saparyn jáne Elbasymen kezdesýin jyly lebizben eske aldy, sondai-aq tarihi ólshem boiynsha qysqa merzim ishinde bizdiń memleketimizdiń damýyndaǵy qol jetkizilgen progresti joǵary baǵalady.
Rýmyniia Syrtqy ister ministrliginiń Memlekettik hatshysy Dan Nekýlaeský Qazaqstan Rýmyniianyń Ortalyq Aziiadaǵy negizgi áriptesi bolyp tabylatynyn jáne belsendi saiasi dialog ornatylǵanyn atap ótti. Sonymen qatar, rýmyn diplomaty Ekonomikalyq jáne ǵylymi-tehnikalyq yntymaqtastyq jónindegi Úkimetaralyq komissiia qyzmeti aiasynda tiimdi ózara is-qimyldyń mańyzdylyǵyn atap ótti (sońǵy otyrysy 2020 jyldyń qazan aiynda ótti).
Rýmyniia Zańnamalyq keńesiniń prezidenti Florin Iordake Qazaqstanda júrgizilip jatqan qoǵamdy demokratiialandyrý jáne jańǵyrtý jónindegi reformalardy qoldady.
Parlamenttiń syrtqy saiasat jónindegi komitetiniń tóraǵasy Biro Rozaliia, Eýropa Keńesi Parlamenttik Assambleiasy Komissiiasynyń vitse-prezidenti, parlament depýtaty Titýs Korliatsan jáne Rýmyniia Parlamentiniń depýtaty Mihail Albishtianý Qazaqstannyń Ortalyq Aziia óńirindegi rólin joǵary baǵalap, elimizdiń halyqaralyq qoǵamdastyqty damytýǵa qosqan laiyqty úlesin atap ótti. Sonymen qatar, depýtattar Qazaqstanǵa ólim jazasyn joiýǵa baǵyttalǵan Azamattyq jáne saiasi quqyqtar týraly halyqaralyq paktige ekinshi Fakýltativtik hattamanyń ratifikatsiialanýyna bailanysty qoldaý bildirdi. Sondai-aq, olar ekijaqty parlamentaralyq dialogty jańdandyrýǵa shaqyrdy.
«QMG Interneshnl» Bas direktory Beiimbet Shaiahmetov qazaqstandyq kompaniianyń tabysty qyzmeti eki el arasyndaǵy jemisti ekonomikalyq ózara is-qimyldyń aiǵaǵy bolyp tabylatynyn atap ótti.
Býharest Saýda-ónerkásip palatasynyń vitse-prezidenti Iýliý Stokloza jáne Qazaqstannyń Rýmyniiadaǵy Qurmetti konsýly Shtefan Gadola elderimiz arasyndaǵy saýda-ekonomikalyq jáne investitsiialyq yntymaqtastyqtyń joǵary áleýetin atap ótti.
Býharest politehnikalyq ýniversitetiniń rektory Mihnia Kostoiý Qazaqstan men Rýmyniia joǵary oqý oryndary arasyndaǵy belsendi yntymaqtastyqqa qanaǵattanýshylyq bildirdi. Sonymen qatar, E.A.Bóketov atyndaǵy Qaraǵandy memlekettik ýniversitetinde rýmyn tili men mádenieti zertteletinine nazar aýdardy.
Dóńgelek ústel sońynda qatysýshylar Qazaqstan-Rýmyniia qarym-qatynastarynyń jai-kúii men damý keleshegi týraly pikir almasty.
Atap aitqanda, biyl Qazaqstan táýelsizdiginiń 30 jyldyǵyna orai ótkizý josparlanǵan ekijaqty is-sharalardyń kún tártibin talqylady (Qurmanǵazy eskertkishiniń ashylýy, Qazaqstannyń kino jáne mádeniet kúnderin ótkizý, biznes-forým, ǵylymi-praktikalyq konferentsiia uiymdastyrý jáne t.b.).
