2025 jylǵa qarai elimizde qarapaiym sport nysandarynyń sany 30 myńǵa deiin jetkizilmek. Bul týraly QR Mádeniet jáne sport ministri Aqtoty Raiymqulova málim etti, dep habarlaidy QazAqparat.
«Buqaralyq sportty damytýda sporttyq infraqurylymynyń bolýy óte manyzdy. Búginde elimizde 23 myń qarapaiym sport nysany jumys qyzmet etýde. Jergilikti atqarýshy organdardyń esepteýlerine sáikes, qarapaiym sport qurylysyn (aýla trenajerleri, júgirý jolaqtary, vorkaýt alańdar) salý qajettiligi jylyna orta eseppen 1 myń 100 nysandy qurady. Osy oraida 2025 jylǵa qarai qurylystardyń jalpy sany 30 myńǵa deiin jetkizilmek», - dedi ministr Ortalyq kommýnikatsiialar qyzmetindegi onlain baspasóz máslihatynda.
Halyqty buqaralyq sportpen ainalysýǵa tartýdyń mańyzdy komponentteriniń biri - salaýatty ómir saltyn keńinen nasihattaý. Osy oraida televiziialyq siýjetter, filmder, beinerolikter, aktsiialar, master-klastar, fleshmobtar, ashyq esik kúnderi, sondai-aq ártúrli baiqaýlar ótkizý qarastyrylǵan.
Aita keteiik, Dene shynyqtyrý jáne buqaralyq sportty damytý jónindegi 2020-2025 jylǵa arnalǵan keshendi jospary ázirlendi. Bul josparda múddeli memlekettik organdardyń, jergilikti atqarýshy organdardyń usynystary tolyq eskerilip, QR Premer-Ministrimen bekitildi.
