Foto: transcard.kz
Astanada 1 tamyzdan bastap qoǵamdyq kólik aqysy 110 teńge boldy, dep habarlaidy "Ult aqparat".
Astanada qoǵamdyq kólikte jol júrý quny 1 tamyzdan bastap 90 teńgeden 110 teńgege deiin qymbattaidy, - dep málimdegen bolatyn Astana ákimdigi.
Eske salsaq, qalalyq marshrýttarda jol júrý quny 90 teńge dep 10 jyl buryn qyrkúiekte belgilendi.
18 jasqa deiingi balalar úshin jol júrý tegin bolyp qalady, ol úshin mekteptiń kólik kartasyn kórsetý shart.
Sondai-aq kelesi sanattarǵa jatatyn azamattar jeńildikke ie:
- II Dúniejúzilik soǵys qatysýshylary men múgedekteri jáne olarǵa teńestirilgen adamdar;
- jasy jáne eńbek sińirgen jyldary boiynsha zeinetkerler, sondai-aq jasy boiynsha jáne asyraýshysynan aiyrylý jaǵdaiy boiynsha zeinetkerlik jasqa tolǵan memlekettik áleýmettik járdemaqy alýshylar;
- kópbalaly analar;
- kópbalaly otbasylar;
- múgedekter;
- on segiz jasqa deiingi múgedek balalar, onyń ishinde ata-analarynyń biri (zańdy ókilderi).
- «Jappai saiasi qýǵyn-súrgin qurbandaryn ońaltý týraly» Qazaqstan Respýblikasynyń Zańynda belgilengen tártippen aqtalǵan 1986 jylǵy 17-18 jeltoqsandaǵy Qazaqstandaǵy oqiǵalarǵa qatysýshylar qatarynan saiasi qýǵyn-súrgin qurbandary.
