«Araltuz» AQ qyzmetkerleriniń jalaqysy ósedi dep kútilýde, dep habarlaidy "Ult aqparat".
2021 jyldyń 1 qańtarynan bastap «Araltuz» AQ kompaniiasynyń basshylyǵy qyzmetkerdiń tabysynan 1% mólsherinde alynatyn mindetti áleýmettik meditsinalyq saqtandyrý (MÁMS) jarnalarynyń qosymsha ulǵaiýyn óteý týraly sheshim qabyldady.
Bul zaýyt qyzmetkerleriniń qolyna alatyn jalaqysyn saqtaýǵa múmkindik beredi.
Sondai-aq, eger sheshim qabyldanǵan jaǵdaida kompaniia Aral óńiriniń Qazaqstandyq bóliginiń qolaisyz aýmaqtarynyń ekologiialyq tólemderinen mindetti zeinetaqy tólemderin (MZJ) tolyq óteýge daiyn.
Budan basqa, óziniń uzaq merzimdi turaqty ósý jáne áleýmettik qoldaý strategiiasyn ustana otyryp, 2021 jyldyń 1 naýryzynan bastap «Araltuz» AQ zaýytynyń óndiristik personalyna jalaqy orta eseppen 10%-ǵa arttyrady.
Nátijesinde kompaniianyń eńbekaqy tóleý qory, salyqtar men aýdarymdardy qosa alǵanda, 15,8%-ǵa ulǵaiady.
«Araltuz» AQ 1925 jyly qurylǵan Qazaqstandaǵy tuz óndirý jáne qaita óńdeý boiynsha iri kásiporyn bolyp tabylady.
«Araltuz» kompaniiasy qazaqstandyq naryqta kóshbasshylyq pozitsiiany berik ustana otyryp, qazirgi ýaqytta óndiriletin ónimniń 76%-yn Resei Federatsiiasynyń barlyq federaldyq okrýgterine, Qyrǵyzstanǵa, Ýkrainaǵa jáne Ózbekstanǵa eksporttaidy.
Jaqyn bolashaqta kompaniia óz jetkizilimderiniń aýmaǵyn keńeitýdi josparlap otyr.
Sondyqtan onyń negizgi maqsaty - ońtústik-shyǵys Aziia naryǵyna: Qytai, Taivanǵa, sondai-aq Taiaý Shyǵys: BAÁ, Katar, Aman jáne basqa elderge shyǵý.
