Qoǵam qairatkeri Asyly Osman búgingi Qazaqstan halqy Assambleiasynyń «El birligi – jańarǵan Qazaqstannyń tiregi» atty HHHI sessiiasynda kóterilgen máseleleri týraly aityp berdi, dep habarlaidy Baq.kz agenttigi.
Onyń aitýynsha, osy jolǵy sessiia qoǵamnyń talabyna sai ótken. Sessiiada memleket basshysynyń qazirgi reformalaryn halyqqa keńinen túsindirip, ony júzege asyrýǵa atsasylý máselesi qozǵalǵan. Odan bólek Assambleia músheleriniń qazaq tilinde baiandama jasaǵany kóńilime medeý boldy, deidi qoǵam qairatkeri.
"Jiyn barysynda Prezident qolǵa alynǵan reformalar men Jańa Qazaqstandy qalai túrlendiretinimiz jaily baiandady. Degenmen, aitylý bar da ony júzege asyrý bar. Bul reformanyń barlyǵy 1-2 kúnde bolatyn nárse emes, biraq qazaqta «alys sapar – qadamnan bastalady» degen sóz bar. Ózgeristi bárimiz búginnen bastaýymyz kerek jáne bul bir-eki adamnyń qolynan kelmeidi, qoǵam bolyp jumylýymyz kerek", - dedi Asly Osman.
Sonymen qatar ol jiynda Konstitýtsiiaǵa engiziletin ózgerister men memlekettik til týraly aitylǵanyn jetkizdi.
"Atqarylyp jatqan istiń barlyǵyna kóńilim tolady, alaida memlekettik tildi birinshi orynǵa qoiamyz dep aitqanymen, onyń oryndalmai jatqany kóńilimdi kónshitedi. Assambleianyń qurylǵanyna 27 jyl boldy, olar qazaqtyń tóńiregine toptasyp, elimizdegi kemshilikterdi, onyń ishinde tilge qatysty máseleni aitýy kerek edi. Biraq ondai bolmady, iaǵni qazaq tiliniń óz tuǵyryna qonbaǵany meni ashyndyrady", - dedi ol.
