Foto: Olympic.kz
Búgin Italiianyń Milan qalasyndaǵy «San-Siro» stadionynda XXV qysqy Olimpiia oiyndarynyń saltanatty ashylý rásimi ótedi, dep habarlaidy Ult.kz.
Astana ýaqytymen saǵat 23:55-ten bastap básekeniń tusaýkeser keshin elimizdiń 4 telearnasy - Qazaqstan, Qazsport, «Habar» jáne Jibek Joly tikelei efirde kórsetedi.
Ulttyq quramalar sherýinde Memlekettik týdy Denis Nikisha (short-trek) men Aiaýlym Ámrenova (fristail-mogýl) ustap shyǵady. Atap aitarlyǵy, ashylý rásimi 4 lokatsiiada qatar ótedi. Denis Milan qalasynda, al Aiaýlym shańǵy jarystary ótetin Livino kommýnasyndaǵy rásimde bolady. Saltanatty keshtiń taqyryby Armonia (italian tilinen aýdarǵanda «garmoniia», «úilesim») dep atalady.
Sondai-aq biyl Olimpiada alaýy alǵash ret 2 tusta tutanady. Olar: Milandaǵy saltanat qaqpasy men Kortina-d’Ampetstsodaǵy Piatstsa Di-bona alańy.
Barlyǵy Milan-Kortina Olimpiadasynda el namysyn 10 distsiplinada 36 sportshy (18 er, 18 áiel) qorǵaidy. Barlyǵy aq oiyndarǵa 93 memleketten 3000-ǵa jýyq atlet qatysady. Olar 16 baǵdarlamada 116 medal jiyntyǵyn sarapqa salady. Olimpiada 22 aqpanda máresine jetedi. Ulttyq qurama sportshylary qatysatyn barlyq saiysty Qazaqstan, Qazsport, «Habar» jáne Jibek Joly tikelei efirde kórsetedi.
