فوتو: Olympic.kz
بٷگٸن يتالييانىڭ ميلان قالاسىنداعى «سان-سيرو» ستاديونىندا XXV قىسقى وليمپييا ويىندارىنىڭ سالتاناتتى اشىلۋ رەسٸمٸ ٶتەدٸ, دەپ حابارلايدى Ult.kz.
استانا ۋاقىتىمەن ساعات 23:55-تەن باستاپ بەسەكەنٸڭ تۇساۋكەسەر كەشٸن ەلٸمٸزدٸڭ 4 تەلەارناسى - Qazaqstan, Qazsport, «حابار» جەنە Jibek Joly تٸكەلەي ەفيردە كٶرسەتەدٸ.
ۇلتتىق قۇرامالار شەرۋٸندە مەملەكەتتٸك تۋدى دەنيس نيكيشا (شورت-ترەك) مەن اياۋلىم ەمرەنوۆا (فريستايل-موگۋل) ۇستاپ شىعادى. اتاپ ايتارلىعى, اشىلۋ رەسٸمٸ 4 لوكاتسييادا قاتار ٶتەدٸ. دەنيس ميلان قالاسىندا, ال اياۋلىم شاڭعى جارىستارى ٶتەتٸن ليۆينو كوممۋناسىنداعى رەسٸمدە بولادى. سالتاناتتى كەشتٸڭ تاقىرىبى Armonia (يتاليان تٸلٸنەن اۋدارعاندا «گارمونييا», «ٷيلەسٸم») دەپ اتالادى.
سونداي-اق بيىل وليمپيادا الاۋى العاش رەت 2 تۇستا تۇتانادى. ولار: ميلانداعى سالتانات قاقپاسى مەن كورتينا-د’امپەتستسوداعى پياتستسا دي-بونا الاڭى.
بارلىعى ميلان-كورتينا وليمپياداسىندا ەل نامىسىن 10 ديستسيپلينادا 36 سپورتشى (18 ەر, 18 ەيەل) قورعايدى. بارلىعى اق ويىندارعا 93 مەملەكەتتەن 3000-عا جۋىق اتلەت قاتىسادى. ولار 16 باعدارلامادا 116 مەدال جيىنتىعىن ساراپقا سالادى. وليمپيادا 22 اقپاندا مەرەسٸنە جەتەدٸ. ۇلتتىق قۇراما سپورتشىلارى قاتىساتىن بارلىق سايىستى Qazaqstan, Qazsport, «حابار» جەنە Jibek Joly تٸكەلەي ەفيردە كٶرسەتەدٸ.
