«Slavian bazary» XXVIII Halyqaralyq óner festivali saltanatty túrde búgin Jazǵy amfiteatrda ashylady, dep habarlaidy BELTA.
Festivaldiń ashylýynda halyqaralyq baiqaýǵa qatysýshylar dabylshylarmen birge Bostandyq alańynan Jeńis alańyna deiin júrip ótedi. Túste baiqaý bastalady. Sondai-aq, Jazǵy amfiteatr mańynda Laýreattar alańynda jańa juldyz jaǵylady - munda Belarýs Respýblikasy Prezidentiniń arnaiy marapaty Taisiia Povaliige tabys etiledi. Ári qarai «Vitebsk-2018» XVII halyqaralyq balalar mýzykalyq konkýrsynyń marapattaý rásimine jalǵasady.
Keshke Bas júlde iegeri Jazǵy amfiteatr sahnasyna shyǵyp, óz ónerin kórsetedi. Sondai-aq, baǵdarlamaǵa tanymal ártister men jańa esimder qatysady: Valerii Leontev, Tamara Gverdtsiteli, Stas Mihailov, Varvara, Tatiana Býlanova, Aleksandr Panaiotov; Anatolii Iarmolenko men "Siabry" ansambli, Iadviga Poplavskaia, Rýslan Alehno, «Pesniary» ansambli, Belarýs Prezidenti orkestri, Alessandro Safina, Taisiia Povalii, Bosson jáne basqalar.
«Slavian bazary» XXVIII Halyqaralyq óner festivali 11-15 maýsym aralyǵynda ótedi.
