Búgin Túrkistan oblysynyń qurylǵanyna 2 jyl tolyp otyr. Osyǵan orai oblys ákimi Ómirzaq Shókeev túrkistandyqtardy arnaiy quttyqtap, eki jylda eńserilgen jumystarǵa toqtaldy, dep habarlaidy "Ult aqparat".
Óńir basshysy óz sózinde túgel túrki dúniesiniń kóshbasshysyna ainalǵan Nursultan Nazarbaevtyń 2018 jylǵy 19 maýsymdaǵy tarihi taǵylymdy Jarlyǵy Túrkistannyń túleýine erekshe serpin bergenin atap ótti. Sodan bergi 2 jylda Túrkistan oblysynyń áleýmettik-ekonomikalyq áleýetiniń artyp kele jatqanyn da tilge tiek etti.
«Osydan týra eki jyl buryn maýsym aiynda Uly Túrkistan dalasynda úlken jańalyq bolǵany belgili. Qazaqstannyń ǵana emes, men Túrkistan oblysy quryldy. Elbasynyń arqasynda túrki áleminiń tekti tóri Túrkistan qalasy óńir ortalyǵyna ainaldy. Kóregen kóshbasshymyzǵa uzaq ómir, qajymas qairat tilep, búkil túrkistandyqtar atynan shynaiy Alǵysymyzdy da jetkizgim kelip otyr.Memleket basshysy Qasym-Jomart Toqaev ta óz tarapynan jańa Túrkistannyń órleýine barynsha qoldaý jasap, jan-jaqty damýyn tikelei qadaǵalap otyr. Tarihi ólshemmen qarasaq, bul óte qysqa ýaqyt. Alaida atqarylǵan qyrýar jumys nátijesinde Túrkistannyń jańa kelbeti, jańa bolmysy qalyptasyp keledi», - dedi Ómirzaq Estaiuly.
Aimaq basshysy basty maqsat - Túrkistandy zamanýi qala etý, ómir súrýge yńǵaily, jaily etý ekenin atap ótti. Osy baǵytta kieli shahar arqyly «Batys Qytai –Batys Evropa» avtojoly, temir jol ótedi, jyl sońyna deiin iske qosylatyn Halyqaralyq aeroport – qalanyń ósý potentsialyn taǵy da arttyratyny sózsiz.
Aita keteiik, búginde Túrkistan qalasynda alǵashqy kezekte 175 nysannyń qurylysy josparlansa, sonyń 102-si jyl aiaǵyna qarai paidalanýǵa beriletin bolady. Túrkistannyń týristtik, bilim ortalyǵy retinde damytý úshin arnaiy Týrizm jáne meimandostyq ýniverstiteti ashyldy, rýhani-mádeni ortalyq retinde damytý úshin 2019 jyly 9 áleýmettik nysan tapsyrylsa, biyl 20 nysan qurylysy aiaqtalyp, el igiligine berilmek. Jańadan qalyptasqan oblysta jumys isteýge búkil respýblikadan mamandar kelip jatyr, olardy baspanamen qamtý mańyzdy máseleniń biri bolyp otyr.
«Ótken jyly qalada 1128 otbasy jańa páterge qonystansa, búgingi kúnge túrli qarjylandyrý kózderi arqyly 6300 páterdi quraityn 136 kópqabatty úidiń qurylysy jalǵasýda. Sońǵy 2 jylda Túrkistan oblysynyń ekonomikasyna túrli qarjy kózderi baǵyttalǵan. Bir ǵana Túrkistan qalasyna salynǵan investitsiia kólemi 160 mlrd teńgeden artqan. Óńir aýylsharýashylyǵy, qurylys, mádeniet, sport, investitsiia tartý jáne basqa salalarda da naqtyly ilgerileýshilikterge jetip otyr»,- dedi oblys ákimi.
Ómirzaq Estaiuly tolymdy tabystardan bólek, oblysta sońǵy jyldary birqatar qiyndyqtar da oryn alǵanyn jasyrmady. Arys jarylysy, Tólebi men Maqtaaral aýdanyndaǵy sý tasqyny zardaptaryn joiý jumystary da júieli túrde júzege asýda. Bul qiyndyqtardy birge eńserip kele jatqan oblys jurtshylyǵyna alǵysyn bildirgen óńir basshysy túrkistandyqtardy jańa tarihtyń jazylýyna úles qosýǵa shaqyrdy.
