Memlekettik komissiianyń shuǵyl shtaby taratqan málimetke sensek, 7 sáýirde Jambyl oblysynda 5 adam koronavirýs juqtyrǵan, dep habarlaidy "Ult aqparat".
7 sáýir saǵat 14:20-daǵy jaǵdai boiynsha, Jambyl oblysyndaǵy 5 jaǵdaidyń tórteýi - Qordai aýdanynda, bireýi Moiynqum aýdanynda tirkeldi.
Olar buǵan deiin virýs juqtyrǵan adammen tyǵyz qarym-qatynasta bolýyna bailanysty karantindik statsionarǵa jatqyzylǵan.
Zerthanalyq synama alynyp, diagnoz naqtylandy. Qazirgi tańda naýqastardyń jaǵdaiy birqalypty. Bekitilgen hattamaǵa sáikes tiisti em júrgizilýde.
Qazirgi tańda naýqastarmen qarym-qatynasta bolǵan adamdar anyqtalýda.
Aýrý oshaqtarynda epidzertteý jumystary, dezinfektsiialyq jumystar júrgizilýde.
7 sáýirdegi jaǵdai boiynsha Jambyl oblysynda COVID-19 koronavirýstyq infektsiiaǵa shaldyqqan 45 adam anyqtaldy. Sonymen qatar 268 adam meditsinalyq baqylaýda.
