مەملەكەتتٸك كوميسسييانىڭ شۇعىل شتابى تاراتقان مەلٸمەتكە سەنسەك, 7 سەۋٸردە جامبىل وبلىسىندا 5 ادام كوروناۆيرۋس جۇقتىرعان, دەپ حابارلايدى "ۇلت اقپارات".
7 سەۋٸر ساعات 14:20-داعى جاعداي بويىنشا, جامبىل وبلىسىنداعى 5 جاعدايدىڭ تٶرتەۋٸ - قورداي اۋدانىندا, بٸرەۋٸ مويىنقۇم اۋدانىندا تٸركەلدٸ.
ولار بۇعان دەيٸن ۆيرۋس جۇقتىرعان اداممەن تىعىز قارىم-قاتىناستا بولۋىنا بايلانىستى كارانتيندٸك ستاتسيونارعا جاتقىزىلعان.
زەرتحانالىق سىناما الىنىپ, دياگنوز ناقتىلاندى. قازٸرگٸ تاڭدا ناۋقاستاردىڭ جاعدايى بٸرقالىپتى. بەكٸتٸلگەن حاتتاماعا سەيكەس تيٸستٸ ەم جٷرگٸزٸلۋدە.
قازٸرگٸ تاڭدا ناۋقاستارمەن قارىم-قاتىناستا بولعان ادامدار انىقتالۋدا.
اۋرۋ وشاقتارىندا ەپيدزەرتتەۋ جۇمىستارى, دەزينفەكتسييالىق جۇمىستار جٷرگٸزٸلۋدە.
7 سەۋٸردەگٸ جاعداي بويىنشا جامبىل وبلىسىندا COVID-19 كوروناۆيرۋستىق ينفەكتسيياعا شالدىققان 45 ادام انىقتالدى. سونىمەن قاتار 268 ادام مەديتسينالىق باقىلاۋدا.