26 aqpan kúni meteorologiialyq jaǵdailar Qazaqstannyń 10 qalasynda aýa sapasy tómendeitin bolady, dep habarlaidy «Ult Aqparat» «Qazgidromet» RMK-ǵa silteme jasap.
Atap aitqanda, Aqtóbe, Qostanai, Aqsai, Oral, Aqsý, Ekibastuz, Pavlodar, Taraz jáne Shymkent qalalarynda meteojaǵdailar lastaýshy zattardyń atmosferada ydyraýyna yqpal etedi.
Al Aqtaý, Jańaózen, Almaty, Astana, Atyraý, Qaraǵandy, Kókshetaý, Petropavl, Taldyqorǵan jáne Óskemen qalalarynda kerisinshe, lastaýshy zattardyń jinaqtalatyny kútilýde.
Aita keteiik, 1 qańtardan bastap, Qazgidromettiń saitynda jaqyn kúnderge arnalǵan jaisyz meteorologiialyq jaǵdailar (JMJ) týraly málimetter jariialanady.
JMJ atmosferanyń jer betindegi qyrtysynda las zattardyń jinalýyna yqpal etetin qysqamerzimdi meteofaktorlardyń (álsiz jel, tuman, inversiia) jiyntyǵy. JMJ bolǵan jaǵdailarda eldi mekenderdegi aýa sapasy tómendeýi yqtimal.
Aýanyń lastaný deńgeiin anyqtaityn mańyzdy faktorlardyń biri sinoptikalyq jaǵdaiǵa jasalatyn boljam (jel, jaýyn-shashyn, qar, ylǵaldylyq, aýa temperatýrasy) bolyp tabylady.
