Búgin, 19 qazan - Qazaqstan qutqarýshylarynyń kásibi merekesi, dep habarlaidy "Ult aqparat" QR IIM Tótenshe jaǵdailar komitetiniń baspasóz qyzmetine silteme jasap.
«Qazaqstan Respýblikasynyń ortalyq atqarýshy organdarynyń qurylymyn jetildirý týraly» Qazaqstan Prezidentiniń 1995 jylǵy 19 qazandaǵy №2541 jarlyǵymen eldiń tabiǵi jáne tehnogendik sipattaǵy tótenshe jaǵdailar jáne azamattyq qorǵanys salasyndaǵy ýákiletti ortalyq atqarýshy organ retinde Qazaqstan Respýblikasynyń Tótenshe jaǵdailar jónindegi memlekettik komiteti quryldy.
«Qazaqstan Respýblikasynyń Tótenshe jaǵdailar jónindegi memlekettik komitetiniń qurylǵan kúni azamattyq qorǵaý júiesiniń kásibi merekesi –Qutqarýshylar kúni.
TJK qyzmetkerleri – bul órt sóndirýshiler, qutqarýshylar, ushqyshtar, dárigerler, psihologtar, kinologtar. Olar tótenshe jaǵdailardy joiady, órtti sóndiredi, qutqarý operatsiialaryn júrgizedi, adamdar men janýarlardy, múlikti qutqarady», delingen habarlamada.
Qutqarýshylar qyzmeti jumys istegen jyldary (1995 jyldan bastap 2019 jyl aralyǵynda) 1 mln 312 myń ret tótenshe jaǵdailar men órtterge barǵan. Olar 362 myńnan astam adamdy qutqardy, ártúrli tótenshe jaǵdailar aimaǵynan 315 myń adamd evakýatsiialady, 52 myńnan astam zardap shekken adamǵa meditsinalyq kómek kórsetti.
Jyl saiyn elimizde órtke qarsy qyzmet, jedel-qutqarý jasaqtary, apattar meditsinasy ortalyǵy órtke jáne janýǵa, tótenshe jaǵdailardyń saldaryn joiýǵa, avariialyq-qutqarý jumystaryn júrgizýge 60 myńnan astam ret barady, keminde 10 myńnan astam adam qutqarylady.
Bul rette, órt sóndirýshiler 15 myńǵa deiin ártúrli órtti sóndirip, tilsiz jaýdan 4 myńǵa deiin adamdy qutqarady, sýda qutqarýshylar 600 adamǵa kómek kórsetedi, taý ýchaskelerinde 200-ge deiin adasqan týristi jedel evakýatsiialaidy, qutqarý aviatsiiasy izdestirý-qutqarý jumystaryna, órtterdi sóndirýge jáne jeke quramdy jetkizýge 900-ge jýyq ret ushyp shyǵady.
2019 jyldyń basynan bastap qutqarý bólimsheleri órtke jáne avariialyq-qutqarý jumystaryna 60,8 myń ret bardy. 9 myń adam qutqaryldy, tótenshe jaǵdailar aimaǵynan 17,5 myńnan astam adam evakýatsiialandy, shamamen 4 myń zardap shegýshige alǵashqy meditsinalyq kómek kórsetildi.
Sonymen qatar, TJK qutqarý aviatsiiasy joǵary jedel áreket etýdi qamtamasyz etedi. Tasqynǵa ushyraǵan aýmaqtardy, sel qaýpi bar ýchaskelerdi jáne kólderdi aerovizýaldy aralaý jáne tekserý júrgizildi. Tikushaqtar Qazseldenqorǵaý tehnikasy men jabdyqtaryn biik taýly beketter men kólderge, asa qaýipti muzdyq kólderde injenerlik is-sharalardy ótkizý aimaǵyna jetkizdi.
Qutqarý aviatsiiasynyń tiimdiligi de órt sóndirýde kómegi zor, jyl basynan beri tikushaqtar elimizdiń túrli óńirlerinde iri tabiǵi jáne basqa da órtterdi sóndirýge, sondai-aq halyqaralyq qutqarý operatsiialaryna birneshe ret tartyldy.
Qazseldenqorǵaýmen qar kóshkin men selderdiń aldyn alý boiynsha is-sharalar júrgizdi. Qysqy-kóktemgi kezeńde Almaty qalasy, Almaty jáne Shyǵys Qazaqstan oblystarynda 87 qar kóshkinin aldyn ala túsirý júrgizildi, qar massasynyń jalpy kólemi 250,3 myń tekshe metrdi qurady. Sonymen qatar, 1 899 qar toqtatatyn qalqan jasalyp, kóshkin qaýpi bar ýchaskelerde 95 aqparattyq jáne eskertý belgisi qoiyldy.
Jyldyń basynan beri Apattar meditsinasy ortalyǵynyń brigadalary 2,5 myńǵa jýyq jolǵa shyqty, 1 myń zardap shekkenge meditsinalyq kómek kórsetti. Respýblikalyq trassalardyń avariialyq ýchaskelerinde táýlik boiy JKO-da zardap shekkenderge 40 kúrejol meditsinalyq-qutqarý pýnkti kómek kórsetedi. Biyl osy brigadalar, 1,2 myń adamdy evakýatsiialady, 2,3 myń zardap shegýshige meditsinalyq kómek kórsetti.
Kinologiialyq bólimshelerdi damytý máselelerine erekshe kóńil bólinedi, olar barlyq óńirlerde bar. Qyzmettik itter adasqan týristerdi, ańshylardy, baqtashylardy, joǵalǵan adamdardy jáne tehnogendik ortada TJ kezinde zardap shekkenderdi izdeýge qatysady.
QR Tuńǵysh Prezidentiniń 2018 jylǵy 5 qazandaǵy «Qazaqstandyqtardyń ál-aýqatynyń ósýi: tabys pen ómir súrý sapasynyń artýy» atty Joldaýyn, Úkimettiń 2018 jylǵy 27 jeltoqsandaǵy № 897 qaýlysymen bekitilgen «2019-2021 jyldarǵa arnalǵan Qazaqstan Respýblikasynyń Ishki ister organdaryn jańǵyrtý jónindegi Jol kartasyn» iske asyrý sheńberinde azamattyq qorǵaý organdaryn jańǵyrtý júrgizildi. Nátijesinde, TJK vedomstvolyq baǵynysty 53 memlekettik mekemeniń 38-i qaldy.
Qazaqstan Respýblikasynyń Prezidenti K. Toqaevtyń «Syndarly qoǵamdyq dialog – Qazaqstannyń turaqtylyǵy men órkendeýiniń negizi» atty Qazaqstan halqyna jańa Joldaýynda Azamattyq qorǵaý organdarynda qyzmet ótkerý jaǵdailaryn jaqsartý kózdelgen. Osyǵan bailanysty 2020 jyldyń 1 qańtarynan bastap azamattyq qorǵaý organdary qyzmetkerleriniń eńbekaqysyn kóterý josparlanǵan, olardyń sany 19 myńnan asady.
«Búgin biz TJK qyzmetkerlerine, janqiiarlyq eńbegimen, elimizdiń qaýipsizdigin nyǵaitýǵa úlesin qosqandardyń barlyǵyna qurmet kórsetemiz. Kún saiyn qiyn jaǵdaida táýekelge bel býatyn qutqarýshylar azamattarymyzdyń ómiri men múlkin qutqarady. Olardyń kásibiligi, jedeldigi men erligi qazaqstandyqtarǵa tótenshe jaǵdailarda qaýipsiz sezinýge múmkindik beredi.
Azamattyq qorǵaý qyzmetiniń qyzmetkerlerinen apattarǵa qarsy turý úshin árqashan ázirlik talap etiledi. Qutqarýshylar tipti beibit kúnderi de adamdardyń ómiri men densaýlyǵy úshin kúresýde aldyńǵy qatarda bolady. Tek eń batyl, qaisar jáne erjúrek azamattar ǵana qutqarýshy qyzmetin tańdaidy», delingen habarlamada.
