بٷگٸن, 19 قازان - قازاقستان قۇتقارۋشىلارىنىڭ كەسٸبي مەرەكەسٸ, دەپ حابارلايدى "ۇلت اقپارات" قر ٸٸم تٶتەنشە جاعدايلار كوميتەتٸنٸڭ باسپاسٶز قىزمەتٸنە سٸلتەمە جاساپ.
«قازاقستان رەسپۋبليكاسىنىڭ ورتالىق اتقارۋشى ورگاندارىنىڭ قۇرىلىمىن جەتٸلدٸرۋ تۋرالى» قازاقستان پرەزيدەنتٸنٸڭ 1995 جىلعى 19 قازانداعى №2541 جارلىعىمەن ەلدٸڭ تابيعي جەنە تەحنوگەندٸك سيپاتتاعى تٶتەنشە جاعدايلار جەنە ازاماتتىق قورعانىس سالاسىنداعى ۋەكٸلەتتٸ ورتالىق اتقارۋشى ورگان رەتٸندە قازاقستان رەسپۋبليكاسىنىڭ تٶتەنشە جاعدايلار جٶنٸندەگٸ مەملەكەتتٸك كوميتەتٸ قۇرىلدى.
«قازاقستان رەسپۋبليكاسىنىڭ تٶتەنشە جاعدايلار جٶنٸندەگٸ مەملەكەتتٸك كوميتەتٸنٸڭ قۇرىلعان كٷنٸ ازاماتتىق قورعاۋ جٷيەسٸنٸڭ كەسٸبي مەرەكەسٸ –قۇتقارۋشىلار كٷنٸ.
تجك قىزمەتكەرلەرٸ – بۇل ٶرت سٶندٸرۋشٸلەر, قۇتقارۋشىلار, ۇشقىشتار, دەرٸگەرلەر, پسيحولوگتار, كينولوگتار. ولار تٶتەنشە جاعدايلاردى جويادى, ٶرتتٸ سٶندٸرەدٸ, قۇتقارۋ وپەراتسييالارىن جٷرگٸزەدٸ, ادامدار مەن جانۋارلاردى, مٷلٸكتٸ قۇتقارادى», دەلٸنگەن حابارلامادا.
قۇتقارۋشىلار قىزمەتٸ جۇمىس ٸستەگەن جىلدارى (1995 جىلدان باستاپ 2019 جىل ارالىعىندا) 1 ملن 312 مىڭ رەت تٶتەنشە جاعدايلار مەن ٶرتتەرگە بارعان. ولار 362 مىڭنان استام ادامدى قۇتقاردى, ەرتٷرلٸ تٶتەنشە جاعدايلار ايماعىنان 315 مىڭ ادامد ەۆاكۋاتسييالادى, 52 مىڭنان استام زارداپ شەككەن ادامعا مەديتسينالىق كٶمەك كٶرسەتتٸ.
جىل سايىن ەلٸمٸزدە ٶرتكە قارسى قىزمەت, جەدەل-قۇتقارۋ جاساقتارى, اپاتتار مەديتسيناسى ورتالىعى ٶرتكە جەنە جانۋعا, تٶتەنشە جاعدايلاردىڭ سالدارىن جويۋعا, اۆارييالىق-قۇتقارۋ جۇمىستارىن جٷرگٸزۋگە 60 مىڭنان استام رەت بارادى, كەمٸندە 10 مىڭنان استام ادام قۇتقارىلادى.
بۇل رەتتە, ٶرت سٶندٸرۋشٸلەر 15 مىڭعا دەيٸن ەرتٷرلٸ ٶرتتٸ سٶندٸرٸپ, تٸلسٸز جاۋدان 4 مىڭعا دەيٸن ادامدى قۇتقارادى, سۋدا قۇتقارۋشىلار 600 ادامعا كٶمەك كٶرسەتەدٸ, تاۋ ۋچاسكەلەرٸندە 200-گە دەيٸن اداسقان تۋريستٸ جەدەل ەۆاكۋاتسييالايدى, قۇتقارۋ اۆياتسيياسى ٸزدەستٸرۋ-قۇتقارۋ جۇمىستارىنا, ٶرتتەردٸ سٶندٸرۋگە جەنە جەكە قۇرامدى جەتكٸزۋگە 900-گە جۋىق رەت ۇشىپ شىعادى.
2019 جىلدىڭ باسىنان باستاپ قۇتقارۋ بٶلٸمشەلەرٸ ٶرتكە جەنە اۆارييالىق-قۇتقارۋ جۇمىستارىنا 60,8 مىڭ رەت باردى. 9 مىڭ ادام قۇتقارىلدى, تٶتەنشە جاعدايلار ايماعىنان 17,5 مىڭنان استام ادام ەۆاكۋاتسييالاندى, شامامەن 4 مىڭ زارداپ شەگۋشٸگە العاشقى مەديتسينالىق كٶمەك كٶرسەتٸلدٸ.
سونىمەن قاتار, تجك قۇتقارۋ اۆياتسيياسى جوعارى جەدەل ەرەكەت ەتۋدٸ قامتاماسىز ەتەدٸ. تاسقىنعا ۇشىراعان اۋماقتاردى, سەل قاۋپٸ بار ۋچاسكەلەردٸ جەنە كٶلدەردٸ اەروۆيزۋالدى ارالاۋ جەنە تەكسەرۋ جٷرگٸزٸلدٸ. تٸكۇشاقتار قازسەلدەنقورعاۋ تەحنيكاسى مەن جابدىقتارىن بيٸك تاۋلى بەكەتتەر مەن كٶلدەرگە, اسا قاۋٸپتٸ مۇزدىق كٶلدەردە ينجەنەرلٸك ٸس-شارالاردى ٶتكٸزۋ ايماعىنا جەتكٸزدٸ.
قۇتقارۋ اۆياتسيياسىنىڭ تيٸمدٸلٸگٸ دە ٶرت سٶندٸرۋدە كٶمەگٸ زور, جىل باسىنان بەرٸ تٸكۇشاقتار ەلٸمٸزدٸڭ تٷرلٸ ٶڭٸرلەرٸندە ٸرٸ تابيعي جەنە باسقا دا ٶرتتەردٸ سٶندٸرۋگە, سونداي-اق حالىقارالىق قۇتقارۋ وپەراتسييالارىنا بٸرنەشە رەت تارتىلدى.
قازسەلدەنقورعاۋمەن قار كٶشكٸن مەن سەلدەردٸڭ الدىن الۋ بويىنشا ٸس-شارالار جٷرگٸزدٸ. قىسقى-كٶكتەمگٸ كەزەڭدە الماتى قالاسى, الماتى جەنە شىعىس قازاقستان وبلىستارىندا 87 قار كٶشكٸنٸن الدىن الا تٷسٸرۋ جٷرگٸزٸلدٸ, قار ماسساسىنىڭ جالپى كٶلەمٸ 250,3 مىڭ تەكشە مەتردٸ قۇرادى. سونىمەن قاتار, 1 899 قار توقتاتاتىن قالقان جاسالىپ, كٶشكٸن قاۋپٸ بار ۋچاسكەلەردە 95 اقپاراتتىق جەنە ەسكەرتۋ بەلگٸسٸ قويىلدى.
جىلدىڭ باسىنان بەرٸ اپاتتار مەديتسيناسى ورتالىعىنىڭ بريگادالارى 2,5 مىڭعا جۋىق جولعا شىقتى, 1 مىڭ زارداپ شەككەنگە مەديتسينالىق كٶمەك كٶرسەتتٸ. رەسپۋبليكالىق تراسسالاردىڭ اۆارييالىق ۋچاسكەلەرٸندە تەۋلٸك بويى جكو-دا زارداپ شەككەندەرگە 40 كٷرەجول مەديتسينالىق-قۇتقارۋ پۋنكتٸ كٶمەك كٶرسەتەدٸ. بيىل وسى بريگادالار, 1,2 مىڭ ادامدى ەۆاكۋاتسييالادى, 2,3 مىڭ زارداپ شەگۋشٸگە مەديتسينالىق كٶمەك كٶرسەتتٸ.
كينولوگييالىق بٶلٸمشەلەردٸ دامىتۋ مەسەلەلەرٸنە ەرەكشە كٶڭٸل بٶلٸنەدٸ, ولار بارلىق ٶڭٸرلەردە بار. قىزمەتتٸك يتتەر اداسقان تۋريستەردٸ, اڭشىلاردى, باقتاشىلاردى, جوعالعان ادامداردى جەنە تەحنوگەندٸك ورتادا تج كەزٸندە زارداپ شەككەندەردٸ ٸزدەۋگە قاتىسادى.
قر تۇڭعىش پرەزيدەنتٸنٸڭ 2018 جىلعى 5 قازانداعى «قازاقستاندىقتاردىڭ ەل-اۋقاتىنىڭ ٶسۋٸ: تابىس پەن ٶمٸر سٷرۋ ساپاسىنىڭ ارتۋى» اتتى جولداۋىن, ٷكٸمەتتٸڭ 2018 جىلعى 27 جەلتوقسانداعى № 897 قاۋلىسىمەن بەكٸتٸلگەن «2019-2021 جىلدارعا ارنالعان قازاقستان رەسپۋبليكاسىنىڭ ٸشكٸ ٸستەر ورگاندارىن جاڭعىرتۋ جٶنٸندەگٸ جول كارتاسىن» ٸسكە اسىرۋ شەڭبەرٸندە ازاماتتىق قورعاۋ ورگاندارىن جاڭعىرتۋ جٷرگٸزٸلدٸ. نەتيجەسٸندە, تجك ۆەدومستۆولىق باعىنىستى 53 مەملەكەتتٸك مەكەمەنٸڭ 38-ٸ قالدى.
قازاقستان رەسپۋبليكاسىنىڭ پرەزيدەنتٸ ك. توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن ٶركەندەۋٸنٸڭ نەگٸزٸ» اتتى قازاقستان حالقىنا جاڭا جولداۋىندا ازاماتتىق قورعاۋ ورگاندارىندا قىزمەت ٶتكەرۋ جاعدايلارىن جاقسارتۋ كٶزدەلگەن. وسىعان بايلانىستى 2020 جىلدىڭ 1 قاڭتارىنان باستاپ ازاماتتىق قورعاۋ ورگاندارى قىزمەتكەرلەرٸنٸڭ ەڭبەكاقىسىن كٶتەرۋ جوسپارلانعان, ولاردىڭ سانى 19 مىڭنان اسادى.
«بٷگٸن بٸز تجك قىزمەتكەرلەرٸنە, جانقييارلىق ەڭبەگٸمەن, ەلٸمٸزدٸڭ قاۋٸپسٸزدٸگٸن نىعايتۋعا ٷلەسٸن قوسقانداردىڭ بارلىعىنا قۇرمەت كٶرسەتەمٸز. كٷن سايىن قيىن جاعدايدا تەۋەكەلگە بەل بۋاتىن قۇتقارۋشىلار ازاماتتارىمىزدىڭ ٶمٸرٸ مەن مٷلكٸن قۇتقارادى. ولاردىڭ كەسٸبيلٸگٸ, جەدەلدٸگٸ مەن ەرلٸگٸ قازاقستاندىقتارعا تٶتەنشە جاعدايلاردا قاۋٸپسٸز سەزٸنۋگە مٷمكٸندٸك بەرەدٸ.
ازاماتتىق قورعاۋ قىزمەتٸنٸڭ قىزمەتكەرلەرٸنەن اپاتتارعا قارسى تۇرۋ ٷشٸن ەرقاشان ەزٸرلٸك تالاپ ەتٸلەدٸ. قۇتقارۋشىلار تٸپتٸ بەيبٸت كٷندەرٸ دە ادامداردىڭ ٶمٸرٸ مەن دەنساۋلىعى ٷشٸن كٷرەسۋدە الدىڭعى قاتاردا بولادى. تەك ەڭ باتىل, قايسار جەنە ەرجٷرەك ازاماتتار عانا قۇتقارۋشى قىزمەتٸن تاڭدايدى», دەلٸنگەن حابارلامادا.
