"Búgin-erteń jaqyn arada Úkimettiń quramy jasaqtalyp, taǵaiyndalyp, jumysqa kirisetin bolady. Bul týraly Aqordada ótken Úkimettiń keńeitilgen otyrysynda Memleket basshysy Nursultan Nazarbaev málim etti", - dep habarlaidy "Ult aqparat".
«Búgin tapsyrmalardy berdim. Osy rette Astanaǵa kelgen óńir ákimderi tiisti kezdesýlerdi ótkizińder. Búgin-erteń, taiaý arada Úkimettiń quramy qalyptastyrylyp, taǵaiyndalatyn bolady, iaǵni jumysqa kirisedi. Elimizge, halqymyz úshin birigip jumys isteiik! Barlyqtaryńyzǵa sáttilik tileimin!», - dedi Prezident.
Budan buryn habarlanǵandai, Elbasy Nursultan Nazarbaev qazirgi ýaqytta otstavkadaǵy Úkimette aita qoiarlyqtai ózgerister bolmaitynyn aitqan bolatyn.
«Úkimette jalpy ózgeristerdiń bolyp jatqanyn estip, bilip otyrsyzdar. Onyń ózindik logikasy bar. Bul - birinshiden. Ekinshiden - qaýipsizdik máselesin kúsheitý, nyǵaitý máselesi de bar. Sodan keiin men Kárim Másimovti óziniń kelisimi boiynsha qajetti jerge taǵaiyndadym. Tájiribesi bar. Respýblikanyń jaǵdaiyn biledi dep taǵaiyndadym. Premer-Ministrdi qyzmetinen bosatýyma bailanysty qazir Úkimet otstavkada. Kóp sozbai bárin sheshetin bolamyz. Jańa basshylardy da, jańa ministrlerdi de. Onsha kóp ózgerister bola qoimas dep oilaimyn. Sebebi Úkimet qiyn-qystaý jaǵdaida júktelgen tapsyrmany oryndap jatyr», - dedi N.Nazarbaev.
Ult portaly
.jpeg)