"بٷگiن-ەرتەڭ جاقىن ارادا ٷكiمەتتiڭ قۇرامى جاساقتالىپ, تاعايىندالىپ, جۇمىسقا كiرiسەتiن بولادى. بۇل تۋرالى اقوردادا ٶتكەن ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى نۇرسۇلتان نازارباەۆ مەلٸم ەتتٸ", - دەپ حابارلايدى "ۇلت اقپارات".
«بٷگٸن تاپسىرمالاردى بەردٸم. وسى رەتتە استاناعا كەلگەن ٶڭٸر ەكٸمدەرٸ تيٸستٸ كەزدەسۋلەردٸ ٶتكٸزٸڭدەر. بٷگٸن-ەرتەڭ, تاياۋ ارادا ٷكٸمەتتٸڭ قۇرامى قالىپتاستىرىلىپ, تاعايىندالاتىن بولادى, ياعني جۇمىسقا كٸرٸسەدٸ. ەلٸمٸزگە, حالقىمىز ٷشٸن بٸرٸگٸپ جۇمىس ٸستەيٸك! بارلىقتارىڭىزعا سەتتٸلٸك تٸلەيمٸن!», - دەدٸ پرەزيدەنت.
بۇدان بۇرىن حابارلانعانداي, ەلباسى نۇرسۇلتان نازارباەۆ قازٸرگٸ ۋاقىتتا وتستاۆكاداعى ٷكٸمەتتە ايتا قويارلىقتاي ٶزگەرٸستەر بولمايتىنىن ايتقان بولاتىن.
«ٷكٸمەتتە جالپى ٶزگەرٸستەردٸڭ بولىپ جاتقانىن ەستٸپ, بٸلٸپ وتىرسىزدار. ونىڭ ٶزٸندٸك لوگيكاسى بار. بۇل - بٸرٸنشٸدەن. ەكٸنشٸدەن - قاۋٸپسٸزدٸك مەسەلەسٸن كٷشەيتۋ, نىعايتۋ مەسەلەسٸ دە بار. سودان كەيٸن مەن كەرٸم مەسٸموۆتٸ ٶزٸنٸڭ كەلٸسٸمٸ بويىنشا قاجەتتٸ جەرگە تاعايىندادىم. تەجٸريبەسٸ بار. رەسپۋبليكانىڭ جاعدايىن بٸلەدٸ دەپ تاعايىندادىم. پرەمەر-مينيستردٸ قىزمەتٸنەن بوساتۋىما بايلانىستى قازٸر ٷكٸمەت وتستاۆكادا. كٶپ سوزباي بەرٸن شەشەتٸن بولامىز. جاڭا باسشىلاردى دا, جاڭا مينيسترلەردٸ دە. ونشا كٶپ ٶزگەرٸستەر بولا قويماس دەپ ويلايمىن. سەبەبٸ ٷكٸمەت قيىن-قىستاۋ جاعدايدا جٷكتەلگەن تاپسىرمانى ورىنداپ جاتىر», - دەدٸ ن.نازارباەۆ.
ۇلت پورتالى
.jpeg)