Foto: Pixabay.com
«Qazgidromet» RMK el aýmaǵynda 9 mamyrda bolatyn qaýipti meteorologiialyq qubylystarǵa boljam jasady.
Derekke qaraǵanda, ońtústik tsiklony jáne onymen bailanysqan atmosferalyq frontaldy bólikter Qazaqstan territoriiasyna áserin saqtaityn bolady. Iaǵni, naizaǵai oinap, burshaq, jańbyr jaýady, elimizdiń soltústigi men ońtústik-shyǵysynyń taýly aýdandaryna qatty jańbyr jaýady.
Tek respýblikanyń shyǵysy antitsiklon jotasynyń áserinde bolady — jaýyn-shashynsyz aýa raiy boljanady.
QR boiynsha jeldiń kúsheiip, ońtústikte shańdy daýyl, daýyl turýy múmkin.
Kúndiz Abai oblysynda qatty ystyq bolady.
Qyzylorda, Jambyl, Túrkistan, Mańǵystaý, Qaraǵandy, Abai, Jetisý oblystarynda, Almaty oblysynyń soltústigi men ortalyǵynda, Atyraý oblysynyń ońtústik-batysynda, Batys Qazaqstan oblysynyń batysynda, Aqtóbe, Pavlodar oblystarynyń ońtúsgigi, ońtústik-shyǵysy, batysynda, Qostanai oblysynyń ońtústiginde, Shyǵys Qazaqstan oblysynyń soltústik-batysy men ońtústiginde, Aqmola oblysynyń batysy, ońtústigi men shyǵysynda joǵary órt qaýpi saqtalady, - dep jazdy sinoptikter.
Túrkistan oblysynyń batysynda, shóldi aýdandarynda, Qyzylorda oblysynyń shyǵysynda, ortalyǵynda, Jambyl oblysynyń batysy men ortalyǵynda, Jetisý oblysynyń batysynda tótenshe órt qaýpi bar.
