Búgin qazaqstandyqtar astanamyz - Nur-Sultan qalasynyń merekesin atap ótedi, dep habarlaidy QazAqparat.
1994 jyly Qazaqstan Respýblikasy Joǵarǵy Keńesinde Qazaqstan Respýblikasynyń Prezidenti Nursultan Nazarbaev Qazaqstannyń astanasyn Almatydan Aqmolaǵa kóshirý týraly usynys jasady. 1997 jyly qazannyń 20-synda astanany aýystyrý týraly Jarlyqqa qol qoidy. 1998 jyly 6 mamyrda Aqmola qalasynyń ataýy Astana bolyp ózgerdi.
1998 jyly maýsymnyń 10-ynda jańa elordanyń halyqaralyq tusaýkeser rásimi ótti.
2019 jyly 20 naýryzda Qazaqstan Respýblikasynyń Prezidenti Qasym-Jomart Toqaev Parlament palatalarynyń birlesken otyrysynda sóz sóilep, Elbasynyń atyn máńgi saqtaý úshin Astana qalasynyń ataýyn Nur-Sultan dep ózgertý jóninde usynys jasady.
«Biz, qazirgi jáne keleshek urpaq ókilderi, Elbasynyń saiasi murasyn jadymyzdan shyǵarmai, qadir tutyp, Nursultan Ábishuly Nazarbaevtyń tarihi eńbegine laiyqty qurmet kórsetýimiz qajet. Elbasynyń halqymyzǵa jáne álem qaýymdastyǵyna sińirgen eren eńbegi men uly esimin máńgi este saqtaýymyz kerek. Bul halqymyzdy, ásirese, jastardy tarihqa qurmetpen qaraýǵa tárbielep, Elbasynyń dańqty qyzmetin ádil baǵalaý úshin mańyzdy. Uly zamandasymyzdyń, Qazaqstan Respýblikasynyń Tuńǵysh Prezidenti Nursultan Ábishuly Nazarbaevtyń atyn kelesidei túrde este qaldyrý qajet dep sanaiyn. Elordamyz onyń atyn iemdenip, Nur-Sultan dep atalýy tiis. Mundai usynys buǵan deiin 2016 jyldyń 23 qarashasynda Qazaqstan Respýblikasy Táýelsizdiginiń 25 jyldyǵyna orai parlamentariiler qabyldanǵan deklaratsiiada aitylǵan edi», - degen bolatyn Memleket basshysy Qasym-Jomart Toqaev.
Sol kúni QR Parlamenti palatalarynyń birlesken otyrysynda deptýttar Astananyń ataýyn Nur-Sultan qalasy ózgertý týraly Zań qabyldady. Al 2019 jylǵy 23 naýryzda QR Prezidenti Qasym-Jomart Toqaev Qazaqstan Respýblikasynyń astanasy - Astana qalasyn Qazaqstan Respýblikasynyń astanasy - Nur-Sultan qalasy dep qaita ataý týraly Jarlyqqa qol qoidy.
Jyl saiyn elorda kúni keń kólemde toilanyp keldi. Alaida, ókinishke qarai biyl elimizdi jailaǵan koronavirýs indetine bailanysty barlyq buqaralyq sharalarǵa tyiym salynyp otyr. Epidemiologiialyq ahýalǵa bailanysty buǵan deiin elorda kúnine josparlanǵan barlyq is-sharalar toqtatyldy. Sharalar tek onlain rejimde ótedi.
Is-sharalardyń kópshiligi áleýmettik sipatta bolady – erekshe qajettiligi bar balalarǵa arnalǵan reabilitatsiialyq ortalyq, jumyssyz áielderge ShOB negizderin úiretetin «Kásipker ana» áleýmettik ortalyǵy, Jaǵalaý aýdanynda jedel járdem stansasy men «Doktor ý doma» meditsina ortalyǵy jáne basqa da áleýmettik nysandar ashylady.
Sharalarǵa qatysatyn adam sany shektelgen. Sonymen qatar úi kezegindegiler men úleskerlerge páter kiltteri tapsyrylady – qatysýshylar sany shekteýli jáne sanitarlyq normalar qatań saqtalady: maska taǵyp, áleýmettik qashyqtyqty saqtaý kerek.
