© Sputnik / Vladislav Vodnev
Qorǵanys ministri Rýslan Jaqsylyqov Otan aldyndaǵy boryshyn óteýge attanǵan sarbazdar arasynda nege ólim-jitim jiilep ketti degen suraqqa jaýap berdi, dep habarlaidy Sputnik Qazaqstan.
"Birinshiden, mundai jaǵdailar kóp emes. Ekinshiden, sizder bilesizder, Memleket basshysy ár jaǵdaidy egjei-tegjei anyqtaýdy tapsyrdy. Biz komissiia qurdyq. Eń aldymen, biz munyń sebebin túsinýimiz qajet: jastar nege óz-ózine qol jumsaidy? Buǵan tek armiia ǵana kináli emes qoi", - dedi Jaqsylyqov májilis kýlýarynda.
Ol áskeri qyzmetshilerdiń ómiri úshin jaýapkershilik komandirlerge júkteletinin atap ótti.
"Biraq adam áskerge azamattyq qoǵamnan pisip-jetilip, óz problemalarymen bizge kelip otyr. Bizdiń mindet – osy problemalardy barynsha joiyp, ony áskeri qyzmetten ótýge beiimdeý. Óitkeni armiianyń basty maqsaty – jas urpaqty daiyndaý, oǵan jaýyngerlik mindetterdi oryndaý úshin áskeri-qoldanbaly daǵdylardy sińirý, solai emes pe?", - deidi ministr.
Aitýynsha, komissiia quramyna qarýly kúshterdiń jetekshi mamandary kirgen. Sonymen qatar, bilikti psihologtar, áleýmettanýshylar tartyldy.
