Qazaqstannyń birinshi, álemniń 38-raketkasy Aleksandr Býblik Ýimbldon týrniriniń úshinshi ainalymyna shyqty, dep habarlaidy QazAqparat.
Býblik ekinshi kezdesýin álemniń 64-raketkasy, serbiialyq Dýshan Laiovichpen ótkizdi.
Osyǵan deiin qarsylastar bir-aq ret joldary toqailasyp, onda serbiialyq sportshy basym túsken edi.
Bul joly qazaqstandyq tennisshi 7:6 (9:7), 6:2, 7:5 esebimen jeńiske jetti.
Eki saǵat 4 minýtqa sozylǵan báseke barysynda Býblik 17 eis jasap, 6 breik-pointtyń teń jartysyn múlt jibergen joq. Laiovich 2 eispen shektelip, bir ret te breik jasai almady.
Býblik úshinshi ainalymda álemniń 23-raketkasy, amerikalyq Frensis Tiafomen sheberlik baiqasady.
Eske salaiyq, qazaqstandyq sportshy jýyrda Istbýrn jarysynda Tiafony 5:7, 7:6 (7:4), 6:0 esebimen utqan bolatyn.
Ótken jyly Aleksandr Ýimbldonda úshinshi ainalymǵa deiin jetken edi. Qazirdiń ózinde sol úzdik nátijesin qaitalap otyr.
