قازاقستاننىڭ بٸرٸنشٸ, ەلەمنٸڭ 38-راكەتكاسى الەكساندر بۋبليك ۋيمبلدون تۋرنيرٸنٸڭ ٷشٸنشٸ اينالىمىنا شىقتى, دەپ حابارلايدى قازاقپارات.
بۋبليك ەكٸنشٸ كەزدەسۋٸن ەلەمنٸڭ 64-راكەتكاسى, سەربييالىق دۋشان لايوۆيچپەن ٶتكٸزدٸ.
وسىعان دەيٸن قارسىلاستار بٸر-اق رەت جولدارى توقايلاسىپ, وندا سەربييالىق سپورتشى باسىم تٷسكەن ەدٸ.
بۇل جولى قازاقستاندىق تەننيسشٸ 7:6 (9:7), 6:2, 7:5 ەسەبٸمەن جەڭٸسكە جەتتٸ.
ەكٸ ساعات 4 مينۋتقا سوزىلعان بەسەكە بارىسىندا بۋبليك 17 ەيس جاساپ, 6 برەيك-پوينتتىڭ تەڭ جارتىسىن مٷلت جٸبەرگەن جوق. لايوۆيچ 2 ەيسپەن شەكتەلٸپ, بٸر رەت تە برەيك جاساي المادى.
بۋبليك ٷشٸنشٸ اينالىمدا ەلەمنٸڭ 23-راكەتكاسى, امەريكالىق فرەنسيس تيافومەن شەبەرلٸك بايقاسادى.
ەسكە سالايىق, قازاقستاندىق سپورتشى جۋىردا يستبۋرن جارىسىندا تيافونى 5:7, 7:6 (7:4), 6:0 ەسەبٸمەن ۇتقان بولاتىن.
ٶتكەن جىلى الەكساندر ۋيمبلدوندا ٷشٸنشٸ اينالىمعا دەيٸن جەتكەن ەدٸ. قازٸردٸڭ ٶزٸندە سول ٷزدٸك نەتيجەسٸن قايتالاپ وتىر.
