Qazaqstannyń birinshi, álemniń 38-raketkasy Aleksandr Býblik Tsintsinnati ATP masters týrniriniń ekinshi ainalymyna shyqty, dep habarlaidy "Ult aqparat".
Qazaqstandyq tennisshi bastapqy kezdesýin álemniń 66-raketkasy, amerikalyq Markos Hironmen ótkizdi.
Birinshi partiiada kort iesi 6:3 esebimen basymdylyq kórsetti. Ekinshi sette Býblik dál sondai eseppen ese qaiyrdy.
Úshinshi, sheshýshi partiiada oiyn taǵdyry tai-breikte sheshildi. Munda qazaqstandyq sportshy birinshi matchbolyn múlt jibergen joq – 7:6 (7:5).
Tartysty ótip, 2 saǵat 6 minýtqa sozylǵan match barysynda Býblik 21 eis jasap, 5 breik-pointtyń ekeýin paidalandy.
Amerikalyq tennisshi 12 eiske qol jetkizip, 10 breik- pointtyń ekeýin óz esebine jazdy.
Býblik ekinshi ainalymda álemniń 21-raketkasy, bolgariialyq Grigor Dimitrovpen kúsh synasady. Ol alǵashqy ainalymda álemniń 16-raketkasy, ispaniialyq Roberto Baýtista-Agýtty 6:3, 6:4 esebimen tize búktirdi.
Júlde qory 3 mln AQSh dollarynan asatyn Tsintsinnati jarysy 22 tamyzda aiaqtalady.
