قازاقستاننىڭ بٸرٸنشٸ, ەلەمنٸڭ 38-راكەتكاسى الەكساندر بۋبليك تسينتسينناتي ATP ماستەرس تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى "ۇلت اقپارات".
قازاقستاندىق تەننيسشٸ باستاپقى كەزدەسۋٸن ەلەمنٸڭ 66-راكەتكاسى, امەريكالىق ماركوس حيرونمەن ٶتكٸزدٸ.
بٸرٸنشٸ پارتييادا كورت يەسٸ 6:3 ەسەبٸمەن باسىمدىلىق كٶرسەتتٸ. ەكٸنشٸ سەتتە بۋبليك دەل سونداي ەسەپپەن ەسە قايىردى.
ٷشٸنشٸ, شەشۋشٸ پارتييادا ويىن تاعدىرى تاي-برەيكتە شەشٸلدٸ. مۇندا قازاقستاندىق سپورتشى بٸرٸنشٸ ماتچبولىن مٷلت جٸبەرگەن جوق – 7:6 (7:5).
تارتىستى ٶتٸپ, 2 ساعات 6 مينۋتقا سوزىلعان ماتچ بارىسىندا بۋبليك 21 ەيس جاساپ, 5 برەيك-پوينتتىڭ ەكەۋٸن پايدالاندى.
امەريكالىق تەننيسشٸ 12 ەيسكە قول جەتكٸزٸپ, 10 برەيك- پوينتتىڭ ەكەۋٸن ٶز ەسەبٸنە جازدى.
بۋبليك ەكٸنشٸ اينالىمدا ەلەمنٸڭ 21-راكەتكاسى, بولگارييالىق گريگور ديميتروۆپەن كٷش سىناسادى. ول العاشقى اينالىمدا ەلەمنٸڭ 16-راكەتكاسى, يسپانييالىق روبەرتو باۋتيستا-اگۋتتى 6:3, 6:4 ەسەبٸمەن تٸزە بٷكتٸردٸ.
جٷلدە قورى 3 ملن اقش دوللارىنان اساتىن تسينتسينناتي جارىسى 22 تامىزدا اياقتالادى.
