Qazaqstandyqtar Aleksandr Býblik pen Andrei Golýbev juptyq synda Melbýrndaǵy ATP 250 Great Ocean Road Open týrniriniń shirek finalyna ótti, dep habarlaidy "Ult aqparat".
Jarystyń 8-raketkasy bolyp tirkelgen qazaqstandyqtar birden ekinshi ainalymǵa ótti.
Olar búgin ekinshi ainalymda serbiialyq Miomir Ketsmanovich – reseilik Karen Hachanovpen kezdesýi kerek edi. Alaida serbiialyq-reseilik jup bul oiynǵa kelmei qaldy da, A.Býblik pen A.Golýbev shirek finalǵa ótti.
Qazaqstandyqtar jartylai finalǵa shyǵý úshin osy dodanyń 2-raketkalary, ulybritaniialyq Djeimi Marrei – braziliialyq Brýno Soarespen talasady.
Býblik pen Golýbev juptyq synda 8 aqpanda bastalatyn Aýstraliia ashyq chempionatynda da baq synaidy.
