قازاقستاندىقتار الەكساندر بۋبليك پەن اندرەي گولۋبەۆ جۇپتىق سىندا مەلبۋرنداعى ATP 250 Great Ocean Road Open تۋرنيرٸنٸڭ شيرەك فينالىنا ٶتتٸ, دەپ حابارلايدى "ۇلت اقپارات".
جارىستىڭ 8-راكەتكاسى بولىپ تٸركەلگەن قازاقستاندىقتار بٸردەن ەكٸنشٸ اينالىمعا ٶتتٸ.
ولار بٷگٸن ەكٸنشٸ اينالىمدا سەربييالىق ميومير كەتسمانوۆيچ – رەسەيلٸك كارەن حاچانوۆپەن كەزدەسۋٸ كەرەك ەدٸ. الايدا سەربييالىق-رەسەيلٸك جۇپ بۇل ويىنعا كەلمەي قالدى دا, ا.بۋبليك پەن ا.گولۋبەۆ شيرەك فينالعا ٶتتٸ.
قازاقستاندىقتار جارتىلاي فينالعا شىعۋ ٷشٸن وسى دودانىڭ 2-راكەتكالارى, ۇلىبريتانييالىق دجەيمي ماررەي – برازيلييالىق برۋنو سوارەسپەن تالاسادى.
بۋبليك پەن گولۋبەۆ جۇپتىق سىندا 8 اقپاندا باستالاتىن اۋسترالييا اشىق چەمپيوناتىندا دا باق سىنايدى.
