Beisenbi keshke Briýssel politsiiasy Býa-de-la-Kambr saiabaǵyndaǵy aktsiiaǵa jinalǵandardy kúshpen taratty, dep habarlaidy "Ult aqparat".
Qazirgi kezde Belgiianyń joǵary oqý oryndarynyń stýdentteri kóktemgi demalysta. Sol sebepti jastar saiabaq men alańdarǵa barady. Óitkeni, qalada kafe, restoran jáne qoǵamdyq-mádeni oryndar jabyq.
Áleýmettik jelide «1 sáýir kúni «La Boom» festivalin ótkiziletini jóninde habar taraǵan. Nátijesinde belgiialyqtar arasynda tanymal Býa-de-la-Kambr saiabaǵyna 1 500-nan 2 000-ǵa deiin adam jinalǵan, olardyń basym bóligi – jastar.
Briýssel meri Filipp Kloýz Týitterde adamdardyń «taza aýa jutqysy» keletinin túsinetinin jazdy, alaida, dárigerler pandemiiamen kúresip jatqan jergilikti aýrýhanalardaǵy aýyr jaǵdaiǵa qarap, biliktiń bundai jiyndardy quptamaitynyn jetkizdi.
Keshki saǵat 18:00-de politsiia jinalǵandardy taratýǵa kiristi. Narazylyq bildirgender jaǵynan da, politsiia jaǵynan da birneshe adam jaraqat aldy. Atty politsiia baq arasyndaǵy adamdardy qýyp shyǵyp, saǵat 21:00-de tártip ornady.
Eske sala keteiik, Belgiiada keshki saǵat 22-den tańǵy 6-ǵa deiin komendat saǵat jariialanǵan.
