Bir kúnniń ishinde 13 700 Briýssel turǵyny vaktsinalaýǵa jańa onlain-platforma arqyly jazyldy, dep habarlaidy "Ult aqparat".
«Bru-VAX» onlain-júiesine tirkelý úshin turǵyndardyń ulttyq tirkeý nómiri men poshta indeksi ǵana talap etiledi.
Budan buryn belgiialyq astana turǵyndary arnaiy kod jazylǵan konvertti poshta arqyly kútýi kerek bolatyn. Belgiialyqtardyń 12%-ynyń poshtalyq meken-jaiy joqtyǵyna bailanysty bul protsess jeńildetildi. Olar vaktsinalaýǵa shaqyratyn poshta konvertin ala almaityn edi.
Birinshi kúni 7 500 Briýssel turǵyny vaktsinalaýǵa jazylyp, 51-55 jas aralyǵyndaǵy 6 200 azamat kútý tizimine tirkeldi.
Budan basqa tirkeý boiynsha kómek qajet etetin turǵyndar óz terapevtine júgine alady. Sonymen qatar vaktsinany úide alýy tiis naýqastarǵa arnalǵan arnaiy tirkeý optsiiasy bar.
Qazirgi kezde Belgiiada vaktsinalaýǵa 1965 jyly jáne odan erte týǵan turǵyndar jiberilýde. 1970 jáne odan erte týǵan belgiialyqtar ázirge kútý tizimine jazyla alady.
