Boris Djonson Ulybritaniia premer-ministriniń Daýning-strittegi rezidentsiiasynyń qaqpasynda qoshtasý sózin sóiledi. Bul týraly QazAqparat Euronews aqparat agenttigine silteme jasap habarlaidy.
Boris Djonson qyzmetinen ketkennen keiin Qaýymdar palatasyndaǵy ornyn saqtap qalady.
«Konservator áriptesterime aitarym, saiasatty toqtatatyn kez keldi. Biz bárimiz Liz Trass pen onyń baǵdarlamasy tóńireginde birigip, el halqyna qyzmet etýimiz kerek. Sońǵy úsh jylda meni jáne meniń otbasymdy, tipti itim Dilandy baqylaǵandardyń barlyǵyna rahmet. Partiiama árqashan mynany aitqym keledi, eger itim Dilan men mysyǵym Larri óz qiyndyqtaryn jeńe alsa, Konservativtik partiia da jeńiske jete alady», - dep ázildedi Britan úkimetiniń burynǵy basshysy.
Boris Djonson kóptegen janjaldar, sonyń ishinde koronavirýsqa qatysty oqshaýlaý kezinde daýning-strittegi saýyq keshterden keiin premer-ministr qyzmetinen ketýge májbúr boldy.
Eske sala ketsek, Britaniianyń jańa premer-ministri qyzmetine Liz Trass sailandy.
