Britaniia premer-ministri Boris Djonson dúisenbi kúni keshke koronavirýsqa qarsy shekteý sharalaryn jeńildetetinin málimdeidi, dep habarlaidy VVS.
Britaniia Úkimeti daiyndaǵan josparǵa sáikes, mektepter 8 naýryzdan bastap ashylady, sondai-aq sol kúnnen bastap eki úidiń eki adamyna kezdesýge ruqsat etiledi.
Boljam boiynsha, 29 naýryzdan bastap ár úide turatyn alty adamnyń kezdesýine ruqsat berilmek. Sáýirdiń sońyna deiin azyq-túliktik emes dúkender ashylady. Gazet málimetinshe, pab pen meiramhanalar mamyrda ǵana ashylady, degenmen mekemelerdiń otyratyn jazǵy alańdary kelýshilerdi odan erterek qabyldaýy múmkin.
Britaniiada qaýip tobyndaǵy 15 millionǵa jýyq adam ekpe aldy. El biligi vaktsinatsiia juqtyrý qaýpin tómendetedi dep úmittenip otyr. Degenmen ǵalymdar úkimetti shekteý sharalaryn alýǵa asyqpaýǵa shaqyrǵan.
