Britandyq mýzei Ózbekstannyń Buhara oblysy Vabkent aýdanynda ornalasqan ortaǵasyrlyq Chashmai-Aiýb kesenesiniń aldyńǵy betinen urlanǵan taqtasyn Ózbekstanǵa qaitarýǵa kómektesti. Bul jaily The Guardian basylymy jazdy.
Biiktigi jarty metr arabsha kalligrafiialyq jazbasy bar kógildir tústi plitka 2014 jyly joǵalyp ketken. Buharadan on shaqyrym qashyqtyqta ornalasqan HII ǵasyr kesenesiniń joǵarǵy jaǵynda taqta orny sodan beri úńireiip tur.
Qabyrǵa bólshegin londondyq Mayfair galereiasynda satylymǵa qoiylǵanǵa deiin mundaǵy jurt endi qaityp tabylmaidy dep eseptep keldi. Taiaýda ǵana Ózbekstanǵa kelgen oksfordtyq ǵalym atalmysh plitkanyń sýretin Saimon Rei galereiasynyń katalogynan baiqap qalǵan. Qabyrǵa bólshegin satyp alǵan Rei birden Britandyq mýzeige habarlasqan, olar kollektsiia jinaýshynyń bul áreketine rizashylyǵyn bildirdi.
Reidiń aitýynsha, satýshylar plitkanyń kóp jyldar boiy Germaniiadaǵy kollektsiialardyń qatarynda saqtalyp kelgenine sendirgen. Mýzeidiń aǵa kýratory Sent-Djon Simpson tarihi kesenedegi plitkanyń urlanýyn qylmysqa balap, ony Vestminster abbatyndaǵy memorialdyq taqtanyń urlanýymen salystyrdy.
«Bul eń keremet, iri jáne eń kóne jazbalary bar Ortalyq Aziianyń dini eskertkishteriniń biri», - dedi mýzei ókili.
The Guardian basylymy Ózbekstannyń premer-ministri Abdýlla Aripov tarihi eskertkishtiń otanyna qaitarylǵandyǵyna bailanysty Britandyq mýzeige sheksiz alǵysyn bildirgendigin jazdy. Kesene qabyrǵasynyń bólshegi qalai urlanǵandyǵy jáne Ózbekstannan Eýropaǵa qalai shyǵarylǵandyǵy ázirge belgisiz.
