بريتاندىق مۋزەي ٶزبەكستاننىڭ بۇحارا وبلىسى ۆابكەنت اۋدانىندا ورنالاسقان ورتاعاسىرلىق چاشماي-ايۋب كەسەنەسٸنٸڭ الدىڭعى بەتٸنەن ۇرلانعان تاقتاسىن ٶزبەكستانعا قايتارۋعا كٶمەكتەستٸ. بۇل جايلى The Guardian باسىلىمى جازدى.
بيٸكتٸگٸ جارتى مەتر ارابشا كالليگرافييالىق جازباسى بار كٶگٸلدٸر تٷستٸ پليتكا 2014 جىلى جوعالىپ كەتكەن. بۇحارادان ون شاقىرىم قاشىقتىقتا ورنالاسقان حٸٸ عاسىر كەسەنەسٸنٸڭ جوعارعى جاعىندا تاقتا ورنى سودان بەرٸ ٷڭٸرەيٸپ تۇر.
قابىرعا بٶلشەگٸن لوندوندىق Mayfair گالەرەياسىندا ساتىلىمعا قويىلعانعا دەيٸن مۇنداعى جۇرت ەندٸ قايتىپ تابىلمايدى دەپ ەسەپتەپ كەلدٸ. تاياۋدا عانا ٶزبەكستانعا كەلگەن وكسفوردتىق عالىم اتالمىش پليتكانىڭ سۋرەتٸن سايمون رەي گالەرەياسىنىڭ كاتالوگىنان بايقاپ قالعان. قابىرعا بٶلشەگٸن ساتىپ العان رەي بٸردەن بريتاندىق مۋزەيگە حابارلاسقان, ولار كوللەكتسييا جيناۋشىنىڭ بۇل ەرەكەتٸنە ريزاشىلىعىن بٸلدٸردٸ.
رەيدٸڭ ايتۋىنشا, ساتۋشىلار پليتكانىڭ كٶپ جىلدار بويى گەرمانيياداعى كوللەكتسييالاردىڭ قاتارىندا ساقتالىپ كەلگەنٸنە سەندٸرگەن. مۋزەيدٸڭ اعا كۋراتورى سەنت-دجون سيمپسون تاريحي كەسەنەدەگٸ پليتكانىڭ ۇرلانۋىن قىلمىسقا بالاپ, ونى ۆەستمينستەر ابباتىنداعى مەموريالدىق تاقتانىڭ ۇرلانۋىمەن سالىستىردى.
«بۇل ەڭ كەرەمەت, ٸرٸ جەنە ەڭ كٶنە جازبالارى بار ورتالىق ازييانىڭ دٸني ەسكەرتكٸشتەرٸنٸڭ بٸرٸ», - دەدٸ مۋزەي ٶكٸلٸ.
The Guardian باسىلىمى ٶزبەكستاننىڭ پرەمەر-مينيسترٸ ابدۋللا اريپوۆ تاريحي ەسكەرتكٸشتٸڭ وتانىنا قايتارىلعاندىعىنا بايلانىستى بريتاندىق مۋزەيگە شەكسٸز العىسىن بٸلدٸرگەندٸگٸن جازدى. كەسەنە قابىرعاسىنىڭ بٶلشەگٸ قالاي ۇرلانعاندىعى جەنە ٶزبەكستاننان ەۋروپاعا قالاي شىعارىلعاندىعى ەزٸرگە بەلگٸسٸز.
