QR Densaýlyq saqtaý vitse-ministri – Bas memlekettik sanitar dáriger Erlan Qiiasov Ortalyq kommýnikatsiialar qyzmetinde ótken brifingte eldegi epidemiologiialyq jaǵdaidy baiandady, dep habarlaidy "Ult aqparat".
«Mýtatsiia – virýstar evoliýtsiiasynyń tabiǵi bóligi bolyp sanalady. Qyrkúiek aiynda Angliianyń ońtústik-shyǵysynda genetikalyq joldaǵy kóptegen ózgeristerden turatyn virýstyq genomdyq júieleýden koronavirýstyń jańa shtammynyń alǵashqy jaǵdaiy tirkeldi. Búgingi tańda virýstyń bul túri Aýstraliia, Daniia, Italiia, Islandiia, Niderlandy, Resei jáne basqa da birneshe elderden tabyldy» - dedi Erlan Qiiasov OKQ-da ótken onlain-brifingte.
Aldyn ala málimetter boiynsha, virýstyń basqa nusqalaryna qaraǵanda, bul virýs halyqtyń jas toptary arasynda belsendi taralady.
«Biraq munyń barlyǵy aldyn ala zertteýler, bul qubylysty zertteý áli de jalǵasýda. Qazaqstanda virýstyń bul túri anyqtalǵan joq. Virýstyń aýa-tamshy arqyly berilý mehanizmin eskere otyryp, ony elimizge ákelý qaýpin de joqqa shyǵarýǵa bolmaidy», - dep atap ótti Qazaqstannyń bas sanitarlyq dárigeri.
