Britandyq institýt ǵalymdary obyrdyń 6 túrine qarsy dári oilap tapty. Innovatsiialyq terapiia «troiandyq at» printsipimen áser etedi. Óndirýshiler toksindyq molekýlalardy ziiansyz antidenemen qaptaǵan. Osylaisha ol obyrdy dóp taýyp, ony ishinen qurtady. Obyrdyń sońǵy shegine jetken, eń kóp taralǵan, sondai-aq buǵan deiin basqa em túrleri áser etpegen qaralýshylarǵa tájiribe jasaldy.
Ásirese, zertteýshiler jatyr moiny isigi men nesep joldaryndaǵy obyrǵa qarsy jaqsy nátijege qol jetkizgen. Jazylmaidy degen diagnoz qoiylǵan tórt qaralýshynyń jaǵdaiy osydan soń jaqsara bastady. Alty ai men toǵyz ai aralyǵynda tájiribe jasalǵan qaralýshylarda isik óspegen nemese kólemi qysqarǵan.
Sonymen qatar terapiia ókpe, as qorytý, jatyr men analyq bezdiń qaterli isigin qaitardy deidi britandyq medbikeler. Biraq, qýyq joly qaterli isigine áser etpepti.
«Troiandyq at»
Óndirýshiler TV (tisotumab vedotin) dep ataǵan dáride himiialyq gibrid pen immýnoterapiia bar.
Toksindi zat antideneniń sońyna bekitilgen. Ol qaterli isik jasýshalarynyń betinde kóp mólsherde bolatyn CD142 aqýyzymen birigedi. Nátijesinde molekýla isik ishine enedi, toksinniń syrtqy qabyǵy ajyrap, jasýshany ishinen joiady.
Terapiianyń júrek ainý, álsizdik, murynnan qan aǵý syndy keri áserleri de bar. Alaida, ol ótpeli. Birinshi klinikalyq zertteýde Belgiia, Ulybritaniia, Daniia, AQSh, Shvetsiiadan 150-ge jýyq naýqastar qaralǵan. Tájiribe jetekshisi, obyrǵa qarsy zertteý Institýtynyń basshysy Djoana de Bononyń aitýynsha, bul dári ishek, uiqy bezi, bas qaterli isiginen de aiyǵýǵa septigin tigizedi.
«Bul jańalyq terapiianyń áreket etý printsipin bildiredi. Dári-dármek obyr jasýshalaryna enip, troiandyq at siiaqty olardy ishinen óltiredi», dep túsindirdi ol.
Bes jyl kóleminde mundai terapiia klinikalyq zertteý aiasynda ǵana emes, qatardaǵy patsientterge de qol jetimdi bolmaq.
Shynádil Saltanat
