بريتاندىق ينستيتۋت عالىمدارى وبىردىڭ 6 تٷرٸنە قارسى دەرٸ ويلاپ تاپتى. يننوۆاتسييالىق تەراپييا «تروياندىق ات» پرينتسيپٸمەن ەسەر ەتەدٸ. ٶندٸرۋشٸلەر توكسيندىق مولەكۋلالاردى زييانسىز انتيدەنەمەن قاپتاعان. وسىلايشا ول وبىردى دٶپ تاۋىپ, ونى ٸشٸنەن قۇرتادى. وبىردىڭ سوڭعى شەگٸنە جەتكەن, ەڭ كٶپ تارالعان, سونداي-اق بۇعان دەيٸن باسقا ەم تٷرلەرٸ ەسەر ەتپەگەن قارالۋشىلارعا تەجٸريبە جاسالدى.
ەسٸرەسە, زەرتتەۋشٸلەر جاتىر موينى ٸسٸگٸ مەن نەسەپ جولدارىنداعى وبىرعا قارسى جاقسى نەتيجەگە قول جەتكٸزگەن. جازىلمايدى دەگەن دياگنوز قويىلعان تٶرت قارالۋشىنىڭ جاعدايى وسىدان سوڭ جاقسارا باستادى. التى اي مەن توعىز اي ارالىعىندا تەجٸريبە جاسالعان قارالۋشىلاردا ٸسٸك ٶسپەگەن نەمەسە كٶلەمٸ قىسقارعان.
سونىمەن قاتار تەراپييا ٶكپە, اس قورىتۋ, جاتىر مەن انالىق بەزدٸڭ قاتەرلٸ ٸسٸگٸن قايتاردى دەيدٸ بريتاندىق مەدبيكەلەر. بٸراق, قۋىق جولى قاتەرلٸ ٸسٸگٸنە ەسەر ەتپەپتٸ.
«تروياندىق ات»
ٶندٸرۋشٸلەر تV (tisotumab vedotin) دەپ اتاعان دەرٸدە حيمييالىق گيبريد پەن يممۋنوتەراپييا بار.
توكسيندٸ زات انتيدەنەنٸڭ سوڭىنا بەكٸتٸلگەن. ول قاتەرلٸ ٸسٸك جاسۋشالارىنىڭ بەتٸندە كٶپ مٶلشەردە بولاتىن CD142 اقۋىزىمەن بٸرٸگەدٸ. نەتيجەسٸندە مولەكۋلا ٸسٸك ٸشٸنە ەنەدٸ, توكسيننٸڭ سىرتقى قابىعى اجىراپ, جاسۋشانى ٸشٸنەن جويادى.
تەراپييانىڭ جٷرەك اينۋ, ەلسٸزدٸك, مۇرىننان قان اعۋ سىندى كەرٸ ەسەرلەرٸ دە بار. الايدا, ول ٶتپەلٸ. بٸرٸنشٸ كلينيكالىق زەرتتەۋدە بەلگييا, ۇلىبريتانييا, دانييا, اقش, شۆەتسييادان 150-گە جۋىق ناۋقاستار قارالعان. تەجٸريبە جەتەكشٸسٸ, وبىرعا قارسى زەرتتەۋ ينستيتۋتىنىڭ باسشىسى دجوانا دە بونونىڭ ايتۋىنشا, بۇل دەرٸ ٸشەك, ۇيقى بەزٸ, باس قاتەرلٸ ٸسٸگٸنەن دە ايىعۋعا سەپتٸگٸن تيگٸزەدٸ.
«بۇل جاڭالىق تەراپييانىڭ ەرەكەت ەتۋ پرينتسيپٸن بٸلدٸرەدٸ. دەرٸ-دەرمەك وبىر جاسۋشالارىنا ەنٸپ, تروياندىق ات سيياقتى ولاردى ٸشٸنەن ٶلتٸرەدٸ», دەپ تٷسٸندٸردٸ ول.
بەس جىل كٶلەمٸندە مۇنداي تەراپييا كلينيكالىق زەرتتەۋ اياسىندا عانا ەمەس, قاتارداعى پاتسيەنتتەرگە دە قول جەتٸمدٸ بولماق.
شىنەدٸل سالتانات
