Britandyq «BBC World» telekompaniiasy «Qorǵas-Shyǵys qaqpasy» AEA týraly derekti filmdi kórsete bastady, dep habarlaidy "Ult aqparat".
«Shyǵys pen Batys túiisken tus» dep atalatyn derekti film «Qorǵas-Shyǵys qaqpasy» AEA týraly túsirilgen. Onda Shyǵys pen Batys jáne Soltústik-Ońtústik baǵdarlarynyń túiisken tusynda álemdik deńgeidegi iri distribýtsiialyq ortalyq damyp kele jatqandyǵyn atap ótken jón.
Filmniń prodiýseri D. Ýels qazir Qorǵasta alyp qurǵaq port boi kótergenin aita kele, Qazaqstan men Qytai shekarasynda ornalasqan Qurǵaq port Aziia men Eýropaǵa shyǵatyn tranzittik poiyzdardy óńdeýden ótkizetinin kópshilikke tanystyryp otyr.
Belgili bolǵandai, derekti filmdi túsirý toby Nurkent selosynyń jergilikti turǵyndarynyń taǵdyry týraly qyzyqty material ázirledi. Onda «Qorǵas» HShYO-ǵa erekshe nazar aýdarylǵan.
Aita ketiik, bul joba Qazaqstan men Qytai Memleket basshylarynyń bastamalarymen júzege asyrylýda. Negizgi investitsiialyq nysandardyń qurylysyn 2018 jyly aiaqtaý josparlanyp otyr.
«Film «VVS Worldwide» baǵdarlamasy arqyly segiz tilde berilip, aptasyna álemniń 74 million kórermenin qamtityn bolady. Qazaqstandyq telekórermender derekti filmdi 27 mamyrda tamashalaityn bolady»,-dep atap ótilgen «Qazaqstan temir joly» UK» AQ baspasóz qyzmetiniń málimetinde.
