Ulybritaniia qorǵanys ministri Ben Ýolles Resei basshysy Vladimir Pýtinniń 9 mamyr - Jeńis kúni mobilizatsiia jariialaýy múmkin ekenin málimdedi.
Qupiia derekkózge súiengen britandyq Daily Mail basylymy reseilik generaldardyń Ýkrainadaǵy soǵys nátijesine kóńili tolmaitynyn jáne shabýyldy jalǵastyrý úshin qosymsha kúsh qajet ekenin jazdy.
Alaida mobilizatsiia jariialanýy úshin Resei soǵys júrip jatqanyn moiyndaýy kerek. Osy kúnge deiin Kreml Ýkrainaǵa basqynshylyǵyn "arnaiy áskeri operatsiia" dep atap kelgen.
Kreml 9 mamyrda Máskeýde Jeńis kúnine orai áskeri paradqa daiyndalyp jatyr. Bul áskeri sherý Ýkrainadaǵy soǵys tusynda ótpek. Batys barlaýshylary naýryzda "Kreml 9 mamyrǵa deiin Ýkrainadaǵy soǵysta qandai da bir jetistikke jetýdi josparlaidy" degen edi. Resei áskerileri Kiev mańynda aitarlyqtai jetistikke jete almai Donbassqa qarai aýysqan bolatyn. Ulybritaniia qorǵanys ministrligi "Resei áskerileri Donbassta da aitarlyqtai jetistikke jete almai jatyr" deidi.
