Úlken suranys saldarynan týyndaǵan álemdik energetika naryǵyndaǵy daǵdarysqa bailanysty Brent markaly munaiynyń baǵasy 2018 jyldan beri birinshi ret 85 dollardan asty, dep habarlaidy QazAqparat Bloomberg saityna silteme jasap.
Brent markaly munaiynyń fiýchersteri londondyq birjada 1,3 paiyzǵa kóterilip, barreline 85,10 dollarǵa jetti. Halyqaralyq energetika agenttiginiń derekterine sáikes, bul munai ónimderine degen suranystyń artýynan týyndap otyr. Al oǵan, ásirese, Aziiadaǵy gaz ben kómir tapshylyǵy sebepshi.
Brent markaly munaiynyń baǵasy osymen alty apta qatarynan álemdik energetika naryǵyndaǵy daǵdarysqa bailanysty ósip otyr. Sebebi pandemiiadan keiin ashyla bastaǵan iri elder tarapynan suranys artty.
Álemdik munai tasymaldaý naryǵyndaǵy jaǵdai da qiyn. Qytai úkimeti 16 jeke zaýytta munai importyna kvotalar engizdi.
