ٷلكەن سۇرانىس سالدارىنان تۋىنداعان ەلەمدٸك ەنەرگەتيكا نارىعىنداعى داعدارىسقا بايلانىستى Brent ماركالى مۇنايىنىڭ باعاسى 2018 جىلدان بەرٸ بٸرٸنشٸ رەت 85 دوللاردان استى, دەپ حابارلايدى قازاقپارات Bloomberg سايتىنا سٸلتەمە جاساپ.
Brent ماركالى مۇنايىنىڭ فيۋچەرستەرٸ لوندوندىق بيرجادا 1,3 پايىزعا كٶتەرٸلٸپ, باررەلٸنە 85,10 دوللارعا جەتتٸ. حالىقارالىق ەنەرگەتيكا اگەنتتٸگٸنٸڭ دەرەكتەرٸنە سەيكەس, بۇل مۇناي ٶنٸمدەرٸنە دەگەن سۇرانىستىڭ ارتۋىنان تۋىنداپ وتىر. ال وعان, ەسٸرەسە, ازيياداعى گاز بەن كٶمٸر تاپشىلىعى سەبەپشٸ.
Brent ماركالى مۇنايىنىڭ باعاسى وسىمەن التى اپتا قاتارىنان ەلەمدٸك ەنەرگەتيكا نارىعىنداعى داعدارىسقا بايلانىستى ٶسٸپ وتىر. سەبەبٸ پاندەمييادان كەيٸن اشىلا باستاعان ٸرٸ ەلدەر تاراپىنان سۇرانىس ارتتى.
ەلەمدٸك مۇناي تاسىمالداۋ نارىعىنداعى جاعداي دا قيىن. قىتاي ٷكٸمەتٸ 16 جەكە زاۋىتتا مۇناي يمپورتىنا كۆوتالار ەنگٸزدٸ.
