Munai sońǵy ret daǵdarystyń aýyr kezeńi bastalǵanǵa deiin, 9 naýryzda osyndai baǵada satylǵan edi, dep habarlaidy RBK agenttigi.
Londondaǵy ICE birjasynda Brent markaly munaidyń qyrkúiektegi fiýchers baǵasy 3,32% ósip, iaǵni bir barreli 44,62 AQSh dollary boldy. Muny birjadaǵy saýda-sattyq málimetterinen kóremiz. WTI markaly amerikalyq munai fiýchersiniń qyrkúiek aiyndaǵy jetkizilimderi 3,18%-ǵa kóterilip, barreli 42,22 AQSh dollaryn qurady. Munai baǵalary shikizatqa suranystyń odan ári qalpyna kelýine bailanysty ósýde.
Vaktsinany sátti synaqtan ótkizý nátijesi týraly jaqsy jańalyq pen EO ekonomikasyn yntalandyrýdyń jańa baǵdarlamasyn qabyldaýy munai naryǵyna naýryz aiynyń basyndaǵy deńgeige qaita oralýǵa septigin tigizdi.
Eýroodaq elderi tórt kúndik kelissózderden keiin koronavirýs pandemiiasynan zardap shekken ekonomikany qalpyna keltirý josparyn qabyldady. 21 shildede Eýroodaq kóshbasshylary aldaǵy bes jylǵa arnalǵan biýdjetti maquldap, ekonomikany qalpyna keltirý qoryn qurý týraly kelisti.
Bir ai quldyraýdan keiin munai baǵasy naýryz aiynan bastap eń joǵarǵy deńgeige jetti, endi Brent markaly munai barreline 46 AQSh dollary deńgeige sheiin ósýi múmkin, dep boljaidy sarapshylar.
